Uyu munyeshuri w’umukobwa abaganga bamuhaye imiti imurinda gusama n’indwara zandurira mu mibonano mpuzabitsina
Uyu munyeshuri w’umukobwa avuga ko mu rukerera ryo kuwa 31 Mutarama 2022 yagiye mu bwiherero umuntu amusangamo yipfutse igitambaro mu maso.
Yabwiye UMUSEKE ko uwo mugabo yinjiye mu bwiherero amufatiraho icyuma, amutera ubwoba ko navuza induru amwica.
Yagize ati ”Ntabwo nari gutaka kuko yari atangiye gukata ukuboko ndatuza aransambanya ansiga aho arasohoka.”
Uyu munyeshuri w’imyaka 16 avuga ko iki kibazo kandi cyigeze kumubaho umwaka ushize muri iri Shuri, cyakora kubw’amahirwe uwo muntu kandi asiga amukomerekeje arirukanka.
Umuyobozi w’Ishuri ryisumbuye rya Ruhango, Munyaneza Jean Claude avuga ko nta makuru yatanga usibye gutegereza ibizava mu iperereza.
Ati ”Ngize icyo ntangaza byabangamira iperereza reka dutegereza imyanzuro ya RIB.”
Nyirahakizimana Jeanne Umubyeyi w’uyu munyeshuri, asaba inzego zishinzwe ubugenzacyaha, gukurikirana iki kibazo cy’umwana we ukekwaho iki cyaha agafatwa agahanwa hakurikije amategeko.
Yagize ati ”Ntabwo byumvikana kubona umwana wanjye bamwangije bingana gutya Ubuyobozi bw’ikigo bukavuga ko butazi uwakoze iri shyano.”
Nyirahakizimana yavuze ko iki kibazo nibatacyitaho, azakibwira Umukuru w’igihugu.
Nyirahakizimana Jeanne umubyeyi w’uyu munyeshuri asaba inzego z’ubugenzacyaha gukurikirana uwasambanyije umwana we.
Umuyobozi w’Akarere ka Ruhango Habarurema Valens avuga ko ayo makuru bayamenye “Wiriwe Elisée! Nibyo hari amakuru twabonye”, akavuga ko bagiye gufatanya n’izindi nzego kugira ngo hashakishwe uwaba yasambanyije uyu munyeshuri.
Yakomeje agira ati ” Nibyo twamenye ko hari umunyeshuri wasambanyijwe ku ngufu n’umuntu utazwi tugiye gufatanya n’inzego zibishinzwe kugira ukuri kumenyekane.”
Ubwo twateguraga iyi Nkuru, twasanze uyu munyeshuri n’ababyeyi be bombi, bari kuri Sitasiyo ya RIB ikorera mu Mujyi wa Ruhango.
Gusa twanasanze uyu munyeshuri avanywe ku Bitaro bya Kinazi gufata imiti imurinda gusama n’indwara zandurira mu mibonano mpuzabitsina.
Abantu batandukanye baganiriye n’UMUSEKE bakeka ko ibi bishobora kuba byakozwe na bamwe mu bakozi b’ikigo bakora amasuku cyangwa abatetsi.
Abandi bakavuga ko haba hari abantu babyihishe inyuma bashuka uyu mukobwa, kugira ngo asige isura mbi Ubuyobozi bw’ishuri.
Usibye kuba ibitaro byamuhaye imiti, uyu munyeshuri afite inkovu ku kibero z’umwaka ushize, n’igisebe ku kuboko kwe kw’iburyo avuga ko yatewe n’uwo mugabo wamusambanyije ku ngufu.
Ubwiherero uyu munyeshuri avuga ko yasambanyirijwemo
rukabu
February 2, 2022 at 11:49 pm
Ikigo nta security kugira cyangwa za camera bibabere isomo mushireho za camera de surveillance kuko habera nibindi byaha bikomeye abagizi bana bi baka binjirana. Kando abana Bari mu maboko ya bayobozi.murakoze.
Theodore
February 3, 2022 at 3:57 pm
Njyewe ndumva ibyo bintu ari urujiko rwose, wasobanura Ute ko umuntu yafatirwa ku ngufu mubwiherero bufite ibyumba bingana kuriya kandi bujyamo abanyeshuri bikigo cyose ntihagire ubyumva koko?! Yewe ntibisobanutse nagato!
Njyewe
February 3, 2022 at 5:58 pm
Mwagiye mutangaza inkuru mufitiye ibimenyetso
Ntakirutimana
February 3, 2022 at 10:06 pm
Ngewe mbanumiwe pe abashinzwe umutekano wikigo mubabaze impamvu babinjirana batabizi nikibazo gikomeye
Rw
February 4, 2022 at 12:27 pm
Kuba hari amashuri adafite CCTV camera, biteye impungenge. Usibye n’ibyaha biremereye nka kiriya, uziko zishobora no gukemura ingeso mbi ya bamwe mu banyeshuri biba bagenzi babo?