Connect with us

Hi, what are you looking for?

Amakuru aheruka

Rayon Sports “Ikoze Deal” Kwizera Pierrot aragarutse ati “Abafana bahoraga babinsaba”

Kwizera Pierrot usoje amasezerano yari afite muri AS Kigali, yasinye imyaka ibiri muri Rayon Sports yigeze gukinira yavuze ko abafana bahoraga bamusaba kugaruka mu ikipe, ngo yiteguye kongera kubafasha ku mipira y’imiterekano igana mu izamu.

Kwizera Pierrot yasinye imyaka ibiri

Kwizera yaraye agaragaye mu mukino w’umunsi wa 15 wa Shampiyona ubwo AS Kigali yatsindwaga na Etoile de l’Est ibitego 2-0.

Uyu mukinnyi wasoje amasezerano, yari amaze iminsi mu biganiro n’iyi kipe yakiniraga ariko amakuru avuga ko ubuyobozi bwa AS Kigali bwahisemo kumureka nyuma yo kuganira n’umutoza Mike Mutebi.

Mu kiganiro yatanze nyuma yo gusinyira Rayon Sports yavuze ko sewabo Kakonge Pierre yakiniye iyi kipe hambere.

Yagize ati “Ndishimye cyane kugaruka muri Gikundiro.”

Kwizera yavuze ko mu mikino yo kwishyura Rayon Sports ishobora kwitwara neza habayeho ubufatanye bw’abafana n’abayobozi.

Ati “Abafana barambwiraga ngo garuka mu rugo dufatanye, Rayon Sports ni ikipe y’abafana aho unyuze mu mujyi wabavuga ngo turagukumbuye, nanjye Rayon Sports ni ikipe yanjye.”

Perezida wa Rayon Sports Uwayezu Jean Fidele yavuze ko gusinyisha Pierrot byabatwaye imbaraga ariko ngo we yifuzaga kugaruka iwabo.

Ati “Pierrot ntiyaturuhije nawe yifuzaga kugaruka muri Rayons Sports ndashimira abafana batugiriye inama yo kumusinyisha.”

Kwizera waherukaga kwemerera Rayon Sports ko ashobora kuyikinira mu gihe yaba atongereye amasezerano muri AS Kigali,  bivugwaho yahawe asaga miliyoni 11Frw.

Muri Nzeri 2019 nibwo Kwizera Pierrot yasinyiye AS Kigali ariko ntiyayikinira mu mwaka wa mbere kubera imvune.

Uyu mukinnyi mpuzamahanga w’u Burundi yageze mu Rwanda muri Mutarama 2015, aho yasinyiye Rayon Sports ku masezerano y’umwaka umwe n’igice mu gihe mu mpeshyi ya 2016 yasinye indi myaka ibiri.

Yabaye umukinnyi w’umwaka mu Rwanda mu myaka ibiri ya nyuma akinira Rayon Sports.

Muri Kanama 2018, Kwizera yerekeje muri Al Oruba Sports Club yo muri Oman nyuma y’uko amasezerano ye yari arangiye muri Rayon Sports.

Uretse Kwizere Pierrot amakuru aravuga ko iyi kipe ifite n’abandi bakinnyi bashya bashobora kuyinjiramo.

Ukeneye kwamamaza! Gusobanuza! Gutanga amakuru? Hamagara 0788772818
REBA YouTube Channel UMUSEKE TV video nziza nk’iyi. UKORA LIKE SHARE na COMMENT

UMUSEKE.RW

Click to comment

Leave a Reply

Your email address will not be published. Required fields are marked *

You May Also Like

Amakuru aheruka

Minisitiri w’Ubutegetsi bw’Igihugu,Gatabazi Jean Marie  Vianney, yasabye abayoboke b’idini rya Islam gukoresha telefoni nk’uburyo bwo kubibutsa ko bagomba kujya gusenga aho gukoresha indangururamajwi  bari...

Amakuru aheruka

Uwatangije iyi Kompanyi ngo igitekerezo cyashibutse mu magorwa yanyuzemo yiga; Bamaze gufasha abanyeshuri 300; barifuza ko buri mwaka bazajya bafasha 1,000; Mu myuga hari...

Uncategorized

Temporibus autem quibusdam et aut officiis debitis aut rerum necessitatibus saepe eveniet ut et voluptates repudiandae sint et molestiae non recusandae.

Amakuru aheruka

Amakipe y’umupira w’amaguru ku mugabane w’Iburayi yarenze muri kimwe cy’umunani kirangiza cya Champions League yamaze kumenya uko azahura muri ¼ cya Champions League yishakamo...

Copyright © 2023 IMITARI