Mu ijoro ryo kuri uyu wa Mbere nibwo abakinnyi 2 b’abanya-Maroc bari intizanyo ya Raja Casablanca muri Rayon Sports, Ayoub Ait na Rharb Youssef basubiye iwabo.
Rharb Youssef iburyo na mugenzi we bavanye muri Maroc
Ku wa Gatanu w’icyumweru gishize nibwo Rayon Sports yatangaje ko aba bakinnyi bari batijwe n’iyi kipe binyuze mu bufatanye bagiranye tariki ya 19 Nyakanga 2021 bagomba gusubira mu ikipe yabo.
Byabaye nyuma y’uko aba bakinnyi bari batangarije itangazamakuru ry’iwabo ko mu Rwanda babayeho nabi.
Mu gitondo cyo kuri uyu wa Mbere tariki ya 17 Mutarama 2022, ubuyobozi bwa Rayon Sports bwahuye n’aba bakinnyi bubasezeraho, ni mu gihe bagomba gufata indege basubira iwabo mu ijoro ryo kuri uyi wa Mbere rishyira ku wa Kabiri.
Abakinnyi Youssef na Ayoub baherekejwe n’umuvugizi wa Rayon Sports, Nkurunziza Jean Paul bahagurutse ku kibuga cy’indege mpuzamahanga cya Kigali I Kanombe Saa 23;40 berekeza Tunis via Doha (Qatar) biteganyijwe ko Ikipe ya Raja izahabakura na Jet Privee ku wa kaner bajya Maroc.
Ayoub na Youssef bageze mu Rwanda muri Nzeri 2021, bakaba bari batijwe na Raja Casablanca bitewe n’amasezerano y’imyaka 5 y’ubufatanye yasinywe hagati ya Rayon Sports na Raja Casablanca.
Ukeneye kwamamaza! Gusobanuza! Gutanga amakuru? Hamagara 0788772818
UMUSEKE.RW
