Ibrahim Boubacar Keïta (IBK) wabaye Perezida wa Mali kuva mu 2013 kugeza mu 2020 kuri iki cyumweru yiabye Imana nk’uko byatangajwe n’umuryango we.
Uwahoze ayobora Mali Ibrahim Aboubacar Keita yitabye ImanaUmwe mu bagize umuryango we yabwiye AFP ko yitabye Imana kuri uyu wa 16 Mutarama 2022 i Bamako.
Yagize ati ” Yapfuye muri iki gitondo ku isaa tatu z’isaha mpuzamahanga ya GMT mu rugo we i Bamako.”
Ibrahim Boubacar Keita bwa mbere yatowe n’abaturage mu mwaka wa 2013.
Mu mwaka wa 2018 yatorewe kuyobora manda ya kabiri yaje guhirikwaho n’igisirkare nyuma y’uburakari bw’abaturage binubiraga ruswa ikabije, isesagurwa ry’umutungo wa leta hamwe n’umutekano mucye kubera intagondwa zigendera ku matwara akaze y’idini ya Isilamu.
Bwana Keïta w’imyaka 76, ubwo yahirikwaga ku butegetsi yafunzwe iminsi 10 n’agatsiko k’abasirikare kamuhiritse.
Mu ijoro ryo ku munsi yafashwemo mu kwezi kwa Kamena 2018, yatangarije kuri televiziyo y’igihugu ko yeguye.
Nyuma yaje kurekurwa ku gitutu cy’amahanga, agumishwa iwe mu rugo.
Mu gihe cy’ibiganiro by’ubuhuza hagati y’intumwa z’umuryango w’ubukungu w’ibihugu byo mu burengerazuba bw’Afurika (CEDEAO/ECOWAS) n’agatsiko k’abasirikare, amagambo ye yasubiwemo mu itangazamakuru avuga ko adashishikajwe no kuba perezida.
Abasirikare bigumuye ku butegetsi batangaje kuwa 27 Kanama 2020 ko Ibrahim Boubacar Keïta yarekuwe ndetse ari mu rugo rwe mu Mujyi wa Bamako.
Ntabwo haratangazwa icyahitanye uyu musaza w’imyaka 76.
Ukeneye kwamamaza! Gusobanuza! Gutanga amakuru? Hamagara 0788772818
NDEKEZI JOHNSON / UMUSEKE.RW
