Minisiteri y’ubuzima yatangaje ko umurwayi Covid-19 ariko yarikingije byuzuye azajya amara mu kato iminsi irindwi naho umuntu wese umaze iminsi 10 mu kato yaba yagaragaje ko agifite ubwandu mu mubiri yemerewe kuva mu kato niba nta bucucike bwa virusi yifitemo.
Umuntu ukirutse koronavirusi ni umaze iminsi icumi mu kato ariko udafite ubucucike bwa virusi muri we.
Ibi byatangajwe mu itangazo ryasohozwe na Minisiteri y’Ubuzima, kuri uyu wa Mbere, tariki 10 Mutama 2022, aho akato ku barwayi ba Covid-19 korohejwe.
Nk’uko iri tangazo ribigaragaza, umuntu ukirutse koronavirusi ni umaze iminsi icumi mu kato ariko udafite ubucucike bwa virusi muri we.
Iri tangazo rigira riti “Umuntu ukirutse koronavirusi ariko ibipimo bikagaragaza ko agifite koronavirusi mu mubiri yanahawe icyemezo cy’uko yakize’si ngombwa ko akomeza kuguma mu kato.”
Rikomeza rigira riti “Uyu muntu ukirutse koronavirusi ni umaze iminsi 10 mu kato, ibipimo bye by’ikizamini cya PCR bigakomeza kwerekana ko agifite virusi nyamara ubucucike bwa virusi bwo bwaragabanutse cyane mu mubiri. Uyu muntu kandi akaba nta bimenyetso bya koronavirus akigaragaza.”
Minisiteri y’Ubuzima kandi yemeje ko umuntu wese wikingije Covid-19 mu buryo bwuzuye akaza kuyandura azajya amara nibura iminsi irindwi mu kato.
Aka kato k’iminsi irindwi ku muntu wikingije byuzuye ashobora kukavamo igihe ikizamini yakoresheje ku munsi wa karindwi cyerekanye ko nta Covid-19 agifite.
Minisiteri y’Ubuzima yibukije abarwayi ba Covid-19 ko nta muntu wemerewe gukoresha ikizamini cyo kureba ko yakize mbere y’iminsi irindwi.
Ibi bitangajwe mu gihe icyorezo cya Covid-19 gikomeje gufata indi ntera mu mibare y’abandura, aho ubwandu bushya bwihinduranyije bwa Omicron buri mu bituma iki cyorezo gikomeje kwiyongera mu Rwanda.
Imibare ya Minisiteri y’Ubuzima yo kuwa 9 Mutarama 2021, igaragaza ko abanduye bashya bari 610, Umujyi wa Kigali ukagira abandura benshi bangana n’abarwayi baashya 186.
Mu Rwanda Covid-19 imaze gutwara ubuzima bw’abantu bagera ku 1,375. Gusa gahunda yo gutanga inkingo ku bashya n’abahabwa urwo gushimangira irakomeje, aho abantu bamaze guhabwa doze imwe ari 7,973,141, abandi 5,658,177 bakingirwa byuzuye ndetse abantu barenga ibihumb9i 360 bahabwa doze ishimangira.
Ukeneye kwamamaza! Gusobanuza! Gutanga amakuru? Hamagara 0788772818
