Minisitiri w’Ububanyi n’Amahanga, Dr Vincent Biruta kuri uyu wa Gatandatu yitabiriye inama ya 44 y’abaminisitiri bo mu bihugu bigize Francophonie, haganirwa ku ngingo zirimo izijyanye n’imiyoborere.
Iyi nama yabereye i Yaounde muri Cameroun iyobowe n’Umunyamabanga Mukuru w’Umuryango uhuza ibihugu bikoresha Igifaransa (OIF), Louise Mushikiwabo.
Mu ntego nyamukuru z’iyi nama, hari harimo kwemeza ingengo y’imari izakoreshwa na OIF hagati ya 2024-2027.
Haganiriwe kandi ku ngingo zijyanye n’uburyo mu bihugu bigize uwo muryango habaho ubutegetsi n’imitegekere ihamye, iterambere ry’ubukungu no guteza imbere umuco.
Minisitiri Biruta yafashe umwanya atanga ibitekerezo muri iyi nama
Mu bayoboye iyi nama harimo Umunyamabanga Mukuru wa OIF, Louise Mushikiwabo