Umuhanzi Kitoko Bibarwa wigaruriye imitima y’Abanyarwanda ari mu kamwenyu nyuma yo gusoza Icyiciro cya Kabiri cya Kaminuza “Bachelors” muri Politike, ndetse agahita akomerezaho Icyiciro cya Gatatu “Master’s”.
Kitoko akaba yishimiye intambwe yateye asoza amasomo ye
Ku wa 28 Mutama 2022, nibwo uyu muhanzi n’abandi biganye bahawe impamyabumenyi ndetse bambara amakanzu y’uko barangije kwiga Icyiciro cya Kabiri cya Kaminuza.
Kitoko Bibarwa arangije Bachelor’s mu bijyanye n’amasomo ya Politike muri Kaminuza ya South Bank Universtity iri i Londres mu Bwongereza, ngo arahita akomereza muri London Metropolitan University kwiga Master’s mu masomo ya “Peace Conflict and Diplomacy.”
Kitoko yagaragaje kwishimira iyi ntambwe nshya yateye mu buzima bwe, avuga ko ari irindi buye ry’ifatizo ashinje mu buzima bwe, ashimira inshuti n’abavandimwe bamubaye hafi mu masomo ye.
Abinyujije kuri Instagram yagieze ati “Urugendo rwa mile 1000 rutangirira ku ntambwe imwe, none birabaye. Amashimwe ku Mana, umuryango, inshuti, abanyeshiri bagenzi banjye, abarimu bacu n’abandi badufashije muri uru rugendo.”
Kitoko mu kwambara ikanzu yari yaherekejwe n’inshuti n’abavandimwe
Yakomeje agira ati “Dufatanyije twabikoze. Cyari igihe kinini abafana bategereje kubera ko nagombaga gusoza amasomo ariko ubu ndabizeza byinshi byiza bigiye kuza. Kwihangana kwanyu n’amasengesho ntibizapfa ubusa.”
Umuhanzi Kitoko ibi birori byo gusoza amsomo byakabaye byarabaye umwaka ushize kuko aribwo barangije, ariko kubera icyorezo cya Covid-19 ntabwo byabaye.
Gusa Kitoko Bibarwa yari yarabaye ahagaritse amasomo kubera impamvu z’umuryango we yarimo kwitaho.
Abahanzi banyuranye b’Abanyarwanda nka Kavuyo, Alpha Rwirangira, Dj PIUS, Muneza Christopher Meddy n’bindi byamamare binyuranye bashimye intambwe Kitoko yateye.
Kitoko akaba agomba guhita akomereza muri Masters
Kitoko Bibarwa yasoje amasomo y’Icyiciro cya Kabiri cya Kaminuza
NKURUNZIZA Jean Baptiste
UMUSEKE.RW