*Izi nzu zubatswe muri 4 in One (inzu imwe irimo inzu 4), agaciro k’inzu imwe ni miliyoni 19Frw
Inzu ziciriritse 8 zubatswe mu kibanza kimwe zigiye kumara imyaka 3 ku isoko zitarabona abazigura, izo nzu ziri mu Mudugudu wa Munyinya, Akagari ka Ruli, mu Murenge wa Shyogwe imwe igiciro cyayo ni miliyoni 19Frw.
Buri nzu ifite agaciro ka Miliyoni 19, abashaka kuzigura bakifuza ko Akarere kagabanya ibiciro.
Ubuyobozi bw’Akarere ka Muhanga buvuga ko ziri ku isoko zishaka abaguzi, none hashize imyaka 3 zitaragurwa.
Umuyobozi w’Ishami ry’ubutaka, imiturire n’ibikorwaremezo mu Karere ka Muhanga, Nzabonimpa Onesphore avuga ko buri nzu ifite agaciro ka Miliyoni 19Frw bivuze ko uko iriya nzu ihagaze agaciro kayo kose ari miliyoni 76Frw.
Nzabonimpa avuga ko kuba zimaze iki gihe zitarabona abaguzi biterwa n’umuco wa bamwe mu baturage banga gutura ahantu hamwe, bagitsimbaraye ku muco wo hambere usaba ko umuntu atura ukwe mu gipangu.
Cyakora akavuga ko hari abatangiye kuzirambagiza, bashaka gufata inguzanyo muri Banki ngo babe bazajya bishyura batanze inyungu ziri ku gipimo cyo hasi.
Yagize ati ”Ubu twashyize itangazo kuri website y’Akarere, hari banki 3 ziteguye kubaguriza vuba.”
Uyu Muyobozi w’Ishami yibukije abaturage ko mu gishushanyo mbonera cy’Akarere bakoresha, gisaba ko nta muntu uzongera guhabwa icyangombwa cyo kubaka kirengeje metero kare 100 cyangwa 150.
Akavuga ko ubu buryo bushya bw’imiturire, bugamije gukoresha ubutaka neza.
Habiyakare Emmanuel avuga ko usibye kuba ziri hamwe, n’igiciro cyazo kiri hejuru, agasaba ko bagabanya kuko kubona ayo mafaranga no kuyishyura banki bigoranye muri iyi minsi.
Ati “Abafite amafaranga usanga biyubakira inzu bifuza, habayeho kugabanya ibiciro haboneka abakiliya bazigura.”
Mu myaka ishize, muri uyu Mudugudu wa Munyinya, Akarere ka Muhanga ku bufatanye na Sosiyete y’ishoramali ya Muhanga(SIMU) baguze ibibanza bigurishwa abaturage na bamwe mu bakozi ba Leta,gusa imicungire y’ayo mafaranga bivugwa ko yagiye acungwa nabi ndetse hagakekwako hari n’abayanyereje kuri ubu batangiye kubazwa na RIB y’iKigali.
Izi ni izindi nzu 4 ziri inyuma, ibikoni n’ubwiherero biri imbere yazo
MUHIZI ELISÉE
UMUSEKE.RW/Muhanga
Kanyarwanda
January 25, 2022 at 4:52 pm
(Ihuriro ry’ubutaka,imirire, ubucyene n’uburenganzira bwa muntu)
Ubundi abantu n’abantu ;bishatse kuvuga kwibyo bacyeneye ari bimwe ; cyangwase, niba ibyo bacyeneye ari bimwe,n’abantu.
Twanakongeraho kw’ibyushyikira bidasobanuye ibyucyeneye,ahubwo ibyucyenera aribyo byakagombye gusobanura ibyushyikira.
[urugero rw ’ubutaka(no kubwigarurira) mugusobanura izi nteruro ebyiri]
1)Ibyushyikira bisobanura ibyucyenera(abantu nti babaho kuko ibyo bacyenera atari bimwe )
2)Ibyucyenera bisobanura ibyushyikira(abantu babaho koko kuko,… « uzuza »)
Iyo abo bita(cyangwase biyita) « investors » baguze ubutaka,umugambi ab’a afite,nuko bumuha inyungu(akoresha kugirango yishyure « ideni » rya banki),akoresha no mubindi acyeneye(1)).
Bityo, ubucyene buraduje,ubuziranenjye bwimirire buragabanutse,uburenganzira bw’umunyarwanda buragabanutse(cyangwase buvuyeho).
Ibyihishe inyuma y’iyi nyito rusange « investors »cyangwase « umushoramari »,iyo umuntu abyitegereje,icyasiga n’uduga ry’ubucyene,uburenganzira buvuyeho,…
Koko barambagije umu proconsul w’igitangaza.
Rwanda
January 25, 2022 at 7:30 pm
Iyingiye niba ari umuryango umwe N’a MILIYONI 5 sinazishyura ,simbona ari ibibandahori?????
Ganza
January 26, 2022 at 2:06 am
Hari igihe nubaza nti”ibintu bikorwa rimwe na rimwe biba byatekerejweho”? Ibi kandi ni ingaruka zizahoraho kuko abagenerwabikorwa nta ruhare bagira mu bibakorerwa. So ntabwo bitangaje kuba 3yrs zishize nta n’inyinya.