Perezida wa Mozambique, Filip Nyusi kuri uyu wa Gatanu tariki ya 21 Mutarama 2022 yasuye Ingabo z’u Rwanda n’iza Mozambique ziri i Palma na Afungi mu Ntara ya Cabo Delgado ziri mu bikorwa byo kurwanya ibyihebe byari byarayogoje iriya Ntara.
Perezida wa Mozambique, Filip Nyusi yasabye Ingabo zihuriwe gutsinsura burundi ibyihebe byari byarayogoje Intara ya Cabo Delgado
I Cabo Delgado, Perezida Filip Nyusi yakiriwe n’abayobozi ba Guverinoma ya Mozambike barimo Guverineri wa Cabo Delgado, Valige Taliabo Atuando, Umuyobozi wa w’Akarere ka Palma, João Buchil, Umunyamabanga uhoraho wa Palma, Zefa Alberto, Umuyobozi mukuru wa Polisi (IGP) Bernardino Raphael, Brig Gen Rui Jorge Mandofa, Umuyobozi wa Task Force muri Palma n’abayobozi mu Ngabo z’u Rwanda.
Perezida Nyusi yahuye n’ababyobozi b’Ingabo za Mozambique (FADM) n’ab’Ingabo z’u Rwanda mu mijyi ya Palma na Afungi, yashimiye ingabo ku bikorwa byiza byakozwe mu kurwanya iterabwoba, anasaba gukomeza kotsa igitutu ibyihebe kugira ngo bitsindwe burundu.
Ingabo z’u Rwanda zageze muri Mozambique tariki ya 9 Kamena 2021 bisabwe na Mozambique, hanashingiwe “ku masezerano menshi” ibihugu byombi bifitanye, nk’uko leta y’u Rwanda yabitangaje.
Mu mwaka wa 2017 nibwo abarwanyi bavuga ko bakorana na Islamic State bigaruriye Cabo Delgado batangira kwica abaturage babakase imitwe.
Igihugu cya Mozambique kuva muri 2017 cyari cyaranze ko Ingabo z’amahanga zinjira muri iki kibazo gusa nyuma yaho Ingabo na Polisi y’u Rwanda zigezeyo, zafatanyije n’Ingabo za Mozambique birukana ibi byihebe i Mocimboa de Pria no mu bindi bice byari byarigaruriye.
Perezida Nyusi yasabye Ingabo zihuriweho za Mozambique n’iz’u Rwanda ziri i Palma na Afungi mu Ntara ya Cabo Delgado gukomeza gukorera hamwe kugira ngo aho biriya byihebe byihishe hose bitsindwe burundu.
Abaturage bi Cabo Delgado bashima bikomeye Ingabo na Polisi y’u Rwanda kuba barakoze uko bashoboye kugira ngo bongere babone amahoro bagaruke mu ngo zabo.
Uwatangije iyi Kompanyi ngo igitekerezo cyashibutse mu magorwa yanyuzemo yiga; Bamaze gufasha abanyeshuri 300; barifuza ko buri mwaka bazajya bafasha 1,000; Mu myuga hari...
Temporibus autem quibusdam et aut officiis debitis aut rerum necessitatibus saepe eveniet ut et voluptates repudiandae sint et molestiae non recusandae.
To provide the best experiences, we use technologies like cookies to store and/or access device information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.