Raporo y’Umuryango Mpuzamahanga wa Oxfam yagaragaje ko mu gihe abandi ubukungu bwabo bwashyizwe mu kangaratete n’icyorezo cya Covid-19, abakire 10 ba mbere ku Isi ubukungu bwabo bwikubye inshuro zirenga ebyiri.
Elon Musk kimwe n’abandi bakire ba mbere ku Isi ubukungu bwabo bwikubye kabiri
Iyi Raporo ya Oxfam yashyizwe ahagaragara kuri uyu wa Mbere, tariki 17 Mutarama 2022, aho yagaragaje ko kuva muri Werurwe 2020 icyorezo cya Covid-19 cyadutse ku isi kigateza ubusumbane mu bukungu, aba batunze agatubutse bo bahungukiye.
Oxfam yagaragaje ko ubukungu bw’abakire 10 ku isi ba mbere bwavuye kuri miliyari 700$ bukagera kuri tiriyali 1.5$ z’amadorari y’Amerika, naho ubukungu bw’aba bombi ku munsi bukabarirwa muri miliyari 1.3$.
Nk’uko Forbes Magazine ibigaragaza abakire 10 ba mbere ku Isi barangajwe imbere na nyiri Tesla and SpaceX Elon Musk, Jeff Bezos w’urubuga rw’ubucuruzi bwo kuri murandasi rwa Amazon, hakaza Mark Zuckerberg, Bill Gates, Steve Ballmer, Larry Ellison, Larry Page, Sergey BrinWarren Buffet n’umuherwe Bernard Arnault.
Oxfam isanga ubu busumbane yise “Ihohoterwa ry’ubukungu” buturuka no ku mpfu zigera ku bihumbi 21 ku munsi ziterwa no kubura ubuvuzi, ihohoterwa rishingiye ku gitsina, inzara n’imihindagurikire y’ikirere. Ni mu gihe kandi abantu begera kuri miliyoni 160 basubiye mu bukene.
Umuyobozi Mukuru wa Oxfam, Danny Sriskandarajah, agaruka kuri uku kuzamuka ku bukungu ku baherwe ba mbere ku isi.
Yagize ati “Hari abamiliyoneri bavuka buri munsi muri ibi bihe by’icyorezo, nyamara 99% by’abatuye isi bari habi kubera za Guma mu rugo, igabanuka ry’ubucuruzi mpuzamahanga, ubukerarugendo bwasubiye inyuma. Ibi byatumye abarenga miliyoni 160 basubira mu bukene.”
Bimwe mu byatumye ubukungu bw’aba baherwe buzamuka ni ikoreshwa ry’ikoranabuhanga muri ibi bihe by’icyorezo cya Covid-19, ni mu gihe aba bose usanga ubucuruzi bwabo bushingiye ku ikoranabuhanga.
Mu bindi iyi raporo yagaragaje nuko ibihugu biri mu nzira y’amajyambere icyorezo cya Covid-19 cyatumye byisanga amadeni bifata azamuka.
Ni mu gihe kandi uburinganire hagati y’abagabo n’abagore bwasubiye inyuma, ibi bigaragazwa nuko abana b’abakobwa barenga miliyoni 20 ku isi bavuye mu ishuri.
Uwatangije iyi Kompanyi ngo igitekerezo cyashibutse mu magorwa yanyuzemo yiga; Bamaze gufasha abanyeshuri 300; barifuza ko buri mwaka bazajya bafasha 1,000; Mu myuga hari...
Temporibus autem quibusdam et aut officiis debitis aut rerum necessitatibus saepe eveniet ut et voluptates repudiandae sint et molestiae non recusandae.
To provide the best experiences, we use technologies like cookies to store and/or access device information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.