Ihuriro ry’amashyaka atavuga rumwe n’ubutegetsi muri Mali, kuri iki cyumweru yamaganye umugambi wa Leta igizwe n’abasirikare wo kongera igihe cy’inzibacyuho kiva ku mezi atandatu kugera ku myaka itanu imbere yo gusubiza igihugu ku butegetsi bwa Demokarasi.
Col Assimi Goita uyobora Mali
Igisirikare kiri ku butegetsi muri Mali kuva mu kwezi kwa Kanama 2020 binyuze muri Coup d’etat Colonel Assimi Goita yahiritsemo ubutegetsi bwa Boubacar Ibrahim Keita.
Colonel Assimi Goita akimara gufata ubutegetsi muri 2020, yahise atangaza ko amatora azaba muri Gashyantare 2022.
Muri 2020, ayo masezerano ku nzibacyuho yagezweho nyuma y’iminsi itatu y’ibiganiro n’abatavuga rumwe n’ubutegetsi ndetse n’amatsinda ategamiye kuri leta.
Minisitiri w’Ububanyi n’Amahanga wa Mali, Abdoulaye Diop, kuri uyu wa Gatandatu, yahaye uwo mugambi mushya CEDEAO umugambi wo kongera igihe cy’inzibacyuho mu gihe cy’amezi atandatu kugera ku myaka itanu.
Minisitiri Abdoulaye Diop yavuze ko iyi ngingo yafatiwe mu biganiro by’abahagarariye abandi kuri ejo heza ha Mali.
Ibi biganiro ntibyitabiriwe n’amashyaka atavuga rumwe n’ubutegetsi ndetse n’andi mashyirahamwe yigenga ntiyitabiriye ibi biganiro.
Uyu mugambi w’Inzibacyuho uva ku mezi atandatu kugera ku myaka itanu, watangiye kuva kuwa 01 Mutarama 2022.
Ishyirahamwe rya CEDEAO riteganya gukorana inama idasanzwe kuri Mali izabera i Accra muri Ghana kuwa 09 Mutarama 2022.
Ukeneye kwamamaza! Gusobanuza! Gutanga amakuru? Hamagara 0788772818
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NDEKEZI JOHNSON / UMUSEKE.RW