Amakuru

Urukiko rutegetse ko Dr Kayumba Christopher afungwa iminsi 30 y’agateganyo

Urukiko rw’ibanze rwa Kicukiro mu mujyi wa Kigali rwategetse ko Dr Kayumba Christopher afungwa iminsi 30 y’agateganyo muri gereza ya Nyarugenge uyu mwanzuro ukaba wasomwe kuri uyu wa kabiri tariki 5 Ukwakira 2021.

Uyu mugabo wahoze yigisha muri kaminuza y’u Rwanda ashinjwa ibyaha birimo gukoresha undi imibonano mpuzabitsina ku gahato ndetse n’ubwinjira cyaha bwicyo cyaha nyine.

Nyuma yo gusuzuma ibiregwa Dr Kayumba Christopher urukiko rwasanze ruvuga ko rwasanze ari impamvu zikomeye zituma agomba gukurikiranwa afunze.

Dr. Kayumba Christopher akurikiranyweho icyaha cyo gukoresha undi imibonano mpuzabitsina.

Urukiko kandi rwavuze ko abatangabuhamya bose bumvishwe bose bemeza ko Dr Kayumba Christopher yasambanyije uwitwa Yankurije mu gihe yari umukozi we ndetse bakanashimangira ko nta mpamvu nimwe yumvikana yatuma bamubeshyera ku cyaha nkicyo gikomeye.

Urukiko kandi rwanavuze ko ko kuba mu mwirondoro wa Dr Kayumba Christopher harimo ko ari umunyamakuru ndetse akaba anafite ikinyamakuru cye bwite aramutse aburanye ari hanze bishobora kumuviramo gusibanganya ibimenyetso yifashishije ikinyamakuru cye.

Uru rubanza rwari rwatangiye tariki 28 Nzeri uyu mwaka ku bijyanye n’ifunga n’ifungurwa.

Dr Kayumba Christopher kugeza ubwo uyu mwanzuro wasomwaga yari agifungiye kuri sitasiyo ya Polisi ya Kicukiro.

Related Articles

Leave a Reply

Your email address will not be published.

Back to top button