AmakuruMU MAHANGAPOLITIKIUBUTABERA

Umuryango wa Rusesabagina Uraka Leta y’u Rwanda indishyi irenga Miliyari enye z’amafaranga y’u Rwanda

Rusesabagina Paul n'umuryango we bajyanye Leta y’u Rwanda mu nkiko uyishinja kumushimuta, usaba ko wakwishyurwa indishyi z’akababaro zingana na miliyoni 400$ (arenga miliyari 409Frw).

Urukiko rwa Washington muri Leta Zunze Ubumwe za Amerika rwashyikirijwe iki kirego kuwa 22 Gashyantare 2022 ariko ibijyanye nacyo byamenyekanye cyane kuwa 30 Mata 2022.

Rusesabagina yahamijwe ibyaha bifitanye isano n’ibikorwa by’iterabwoba byagabwe ku butaka bw’u Rwanda, byaguyemo ubuzima bw’inzirakarengane icyenda, abandi barakomereka bibaviramo ubumuga budakira.

Nyuma yo guhamwa ibyaha by’iterabwoba bishingiye ku bitero byagabwe n’Umutwe wa MRCD/FLN mu bice bitandukanye by’igihugu mu Turere twa Nyaruguru, Nyamasheke, Nyamagabe na Rusizi, byiciwemo abaturage icyenda, hatwikwa imodoka ndetse hanasahurwa imitungo mu myaka ya 2018/2019.

Kuva uyu mugabo yafatwa n’inzego z’umutekano z’u Rwanda, umuryango we ntiwigeze wemera ibyaha aregwa ahubwo wakomeje gukubita hirya no hino ushaka uko Leta y’u Rwanda yashyirwaho igitutu ikamurekura.

Umukobwa wa Rusesabagina Carine Kanimba niwe wakunze kumvikana muri izi gahunda, aho yafatanyije cyane na Joaquin Castro, uri mu bagize Inteko Ishinga Amategeko ya Leta Zunze Ubumwe za Amerika ndetse na bamwe mu bagize iy’u Bwongereza.

Mu Ugushyingo umwaka ushize, Inteko Ishinga Amategeko ya EU yasabye Leta y’u Rwanda kurekura no kohereza Paul Rusesabagina mu Bubiligi.

Yanditswe na Dushimimana Elias

Related Articles

Leave a Reply

Your email address will not be published.

Back to top button