AmakuruIMYIDAGADURO

Umuririmbyi w’Icyamamare Koffi Olomide ategerejwe I Kigali

Antoine Christophe Agpeba ukunda kwiyita Grand Mopao akaba yaramenyekanye ku izina rya Koffi Olomide ukomoka mu gihugu cya Repubulika iharanira Demokarasi ya Congo, ni umwe mu bahanzi bakomeye ku mugabane wa Afurika ndetse no ku isi yose.


Nyuma y’aho ingamba zo kwirinda icyorezo cya Covid 19 zorohejwe,ibitaramo biri muri bimwe byakomorewe gusa bikazajya bikorwa hakomeza kubahirizwa ingamba zo kwirinda icyorezo cya Covid 19.

Nyuma y’igitaramo cyatumiwemo umunya Nigeria Adekunle Gold cyabereye ku I Rebero ahazwi nka Canal Olympia ndetse n’icya Bruce Melody cyabereye muri Kigali Arena, hategerejwe igitaramo cya Koffi Olomide biteganyijwe ko cyizaba mu ntangiro z’ukuboza 2021 n’ubwo ibiganiro bigikomeje hagati y’abashoramari bazazana iki cyamamare gutaramira I Kigali.

Ntabwo ari iki gitaramo giteganyijwe gusa I kigali mu mpera za 2021 kuko hateganyijwe n’igitaramo cyatumiwemo umunya Nigeria Rema ukunzwe cyane muri iyi minsi ndetse n’ikindi cyatumiwemo umu Nigeria Omah Lay uri mu bagezweho muri Afrika.

Igitaramo Koffi Olomide azakora I Kigali kizaba ari icya gatatu ahakoreye kuko icya mbere yagikoze mu mwaka wa 2009 ubwo yari yatumiwe na sosiyete y’itumanaho yitwa Rwandatel. Icya kabiri yagikoze mu 2016 cyibera muri Kigali Convention Center mu gitaramo cya kigali count Down.

Munyanziza Placide

Related Articles

Leave a Reply

Your email address will not be published.

Back to top button