AmakuruIMYIDAGADURO

Umunya-Nigeria Omah lay yakoreye igitaramo cy’akataraboneka I Kigali

Omah Lay ubusanzwe amazina ye nyakuri ni Stanley Omah Dida akaba umusore muto w’imyaka 24 gusa akaba ari umuhanzi uri mu bakunzwe muri Afurika ndetse no ku isi muri rusange.

Uyu musore watangiye umuziki ari umuraperi ubwo yitwaga Lil King, yatangiye kumenyekana muri werurwe 2020 biturutse ku ndirimbo ”you”. Nyuma yaje gukora izindi zirimo”LO LO”, “Damn”, “Godly”, “Infinity”yakoranye na Olamide n’izindi n’izindi kugeza naho yaje mu Rwanda amaze gushyira hanze iyitwa”free mind”.

Mbere y’uko aza I Kigali akaba yaranakoreye igitaramo I kampala muri Ugandacyabaye mu 2020 ari kumwe na mugenzi we wo muri Nigeria Temilade Openiyi uzwi nka Tems.

Omah Lay akaba yari yaratumiwe na kompanyi imenyerewe cyane mu gutegura ibitarano ya East African Promoters(EAP) iyobowe na MUSHYOMA JOSEPH( BUBU) mu gitaramo cyiswe Kigali Fiesta.

Usibye Omah Lay, Iki gitaramo cyari cyatumiwemo bamwe mu bahanzi bagezweho mu muziki nyarwanda muri iki gihe nka: Ariel Wayz, Ish Kevin, Juno Kizigenza, Bushali, Davis D ndetse na kizigenza Platini P. Aba bahanzi bakaba bishimiwe n’abakunzi babo cyane kuko banwe bwari n’ubwa mbere bagaragaye mu bitaramo binini nyuma y’isubukurwa ry’ibitaramo.

Omah Lay waririmbye iminota 39 gusa kuko yageze ku rubyiniro saa yine zuzuye akavaho saa yine n’iminota mirongo itatu n’icyenda,yavuye ku rubyiniro acyishimiwe n’abafana cyane kuko bishimanye kakahava.

Abafana bamweretse urukundo rutangaje kuko bari bazi neza indirimbo ze ndetse banazirirambanaga nawe.Nawe arabishimira kuko yageze n’aho abahereza ikoti rye ndetse anatumira inkumi ebyiri nziza zari mu bafana barabyinana ku rubyiniro.Si ibyo gusa kuko yanyuzagamo akaba abafana telephone akifata selfie nabo ndetse hakaba hagaragaye n’umufana wari wamwiteguye kuko yamuhaye impano y’umupira uriho amagambo yashimishije Omah Lay.

Gusa ngo”ntabyera ngo de!”, bamwe mu batarishimiye iki gitaramo ni itangazamakuru kuko nk’uko bitangazwa n’abanyamakuru benshi b’imyidagaduro, ngo kuva Omah Lay yagera mu Rwanda,bimwe umwanya wo kuvugana nawe ndetse nta n’ikiganiro n’itangazamakuru cyabaye byaje guhumira ku mirari aho ku munyi nyir’izina w’igitaramo, nta buryo bwari bwashyiriweho itangazamakuru bwo kwinjira.

Munyanziza Placide

Related Articles

Leave a Reply

Your email address will not be published.

Back to top button