AmakuruIMIKINO

Umukino we wa mbere muri Shampiyona aratunguranye, Olivier Kwizera na Musa Essenu bafashije Rayon Sport kwegukana atatu, Mukura yo igaritswe na Espoir i Huye

 

Ni igitego cyabonetse ku munota wa 33, hari ku mupira w’umuterekano watewe na kapiteni w’iyi kipe, Muhire Kevin maze Musa Essenu ashyiraho umutwe bituma Gorilla ikomeza kwifata mapfubyi.

Rayon Sports wabonaga itarimo guhuza mu kibuga hagati mu gice cya mbere, byaje guha amahirwe Gorilla yo kuba yabona igitego ariko abakinnyi barimo Rodrigue na Sindambiwe Protais bagorwa n’umunyezamu Kwizera Olivier wakinaga umukino we wa mbere muri Rayon Sports kuva uyu mwaka w’imikino watangira.

Ni umunyezamu wigaragaje cyane muri uyu mukino kuko yagoye Gorilla FC aho yakuyemo n’ikindi gitego cyari cyabazwe cya Tharcisse wamuteye umutwe mu minota ya nyuma ariko akirambura akawohereza muri koruneri.

Rayon Sports yaje kugenda ikora impinduka zitandukanye ishaka igitego cya kabiri nk’aho Onana Willy Essombe na Ishimwe Kevin bavuyemo hakinjiramo Mujyanama Fidele na Manace Mutatu ariko ntibagira icyo babona.

Umusifuzi mpuzamahanga, Mukasanga Salima, yazamuye iminota 5 y’inyongera, Rayon Sports ihita ikuramo Muhire Kevin ishyiramo Byumvuhore Trésor.

Byumvuhore yahise akorana na Mugisha François bityo Nishimwe Blaise abakina imbere ari inyuma ya Moussa Essenu.

Mukura VS ntiyahiriwe imbere y’abakunzi bayo kuko umukino w’umunsi wa 23 wa shampiyona, batsindiwe i Huye na Espoir FC 2-1.

Gorilla nayo yagiye ishaka uko yishyura iki gitego yari yatsinzwe, irema uburyo butandukanye bw’ibitego ariko ntibagira amahirwe yo kububyaza umusaruro umukino warangiye ari 1-0.

Uko indi mikino y’umunsi wa 3 yabaye yagenze

Ku wa Gatanu tariki ya 15 Mata 2022

Police FC 1-0 Musanze FC
Gasogi United 2-0 Kiyovu Sports
Rutsiro FC 1-0 Etoile del’Est

Ku wa Gatandatu tariki ya 16 Mata 2022

Marines FC 2-1 Gicumbi FC
Gorilla FC 0-1 Rayon Sports
Mukura VS 1-2 Espoir FC

Uyu munsi biteganyijwe ko APR FC irara kumwanya wa mbere mu gihe itsinze Bugesera bigatuma ica kuri Kiyovu Sport yandagajwe na Gasogi United.

Ku Cyumweru tariki ya 17 Mata 2022

AS Kigali vs Etincelles
Bugesera FC vs APR FC

Yanditswe na Dushimimana Elias

Related Articles

Leave a Reply

Your email address will not be published.

Back to top button