IMIKINO

Umukino wahuzaga Brazil na Argentine wahagaritswe uri kuba

Mu mukino wo gushaka itike yerekeza nu gikombe cy’isi muri Qatar umwaka utaha muri Amerika y’epfo hari umwe mu mikino rurangiza isanzwe ihuruza imbaga mu gushaka iyo tike n’ubundi, Argentine yagombaga kwakirirwa i Sao Paulo muri Brazil ariko umukino waje guhagarikwa n’inzego z’ubuzima muri Brazil zishinja bamwe mu bakinnyi ba Argentine kuba baturabahirije amabwiriza yo kwirinda icyorezo cya Covid-19 asanzwe yubahirizwa muri Brazil cyane cyane ku muntu uvuye mu birwa by’abongereza aho agomba kumara iminsi 14 mu kato.

Mu gihe umukino wasaga nurimo gufata irangi nibwo hagaragaye bamwe mu bagize inzego z’ubuzima muri Brazil bagaragaye binjira mu kibuga bahatira abakinnyi b’ikipe ya Argentine mu rwambariro ndetse nyuma y’iminota mike impuzamashyirahamwe y’umupira w’amaguru muri amerika y’epfo ihita ishyira ahagaragara itangazo ryemeza isubikwa ry’uwo mukino ndetse isaba abasifuzi gukora raporo izahabwa Fifa kugirango hagire ibyemezo bifatwa.

Ibyashingiweho abashinzwe iby’ubuzima binjira mu kibuga ni uko bavuga ko hari abakinnyi bagera kuri bane basanzwe bakina mu gihugu cy’ubwongereza batanze amakuru atariyo mu gihe binjiraga muri Brazil abo ni Lo Celso na Christian Romero ba Totthenham Hotspurs ndetse harimo Emiliano Martinez na Buendia bakinira Aston Villa bivugwa ko bagombaga kujya mu kato mu minsi 14 nkuko biteganywa n’amategeko aho muri Brazil ku muntu wese uvuye mu gihugu cy’ubwongereza.

umwe mu bagize inzego z’ubuzima muri Brazil asobanurira abakinnyi impamvu umukino usubitswe.

Urwego rushinzwe ubuzima muri Brazil rwatangaje ko aba bakinnyi bananiwe kwerekana ko baba bamaze iminsi 14 batari mu bwongereza ibintu bidashoboka kuko bose baherutse kugaragara mu mikino amakipe yabo bakinamo yakinnye mbere yuko amakipe y’ibihugu atangira imikino muntangiriro za Nzeri.

Nta gihe kizwi uyu mukino uzasubukurirwa cyangwa se aho uzabera ariko FIFA yavuze ko izakorana na Conmebol kugirango basuzume neza uko ikibao cyakemurwa.

Taliki 23 Kamena uyu mwaka nibwo leta ya Brazil yashyizeho ingamba zikomeye ku bantu bava mu Bwongereza, mu buhinde ndetse na Afurika y’Epfo kubera ko muri ibyo bihugu havugwa ubwoko bushya bwa Covid-19 ndetse Brazil ni kimwe mu bihugu byibasiwe nicyo cyorezo kuko kimaze kuhahitana benshi bityo leta ikaba ngo ikiri guhangana no kurwanya Covid-19 isanzwe izwi ariko ikanakumira ku kuba haba hari ubundi bwoko bushya bwahinjira.

Related Articles

Leave a Reply

Your email address will not be published.

Back to top button