AmakuruIMYIDAGADURO

Umuhanzi Inzora Bénoît yasohoye indirimbo nshya yise Mukerarugendo benshi bita “Urugendo rurerure y’Inkotanyi”

Uyu muhanzi amenyerewe mu njyana gakondo aho akorera mu itsinda Inzora rizwi cyane mu gususurutsa ibirori ari nawe warishinze akaribera n’ umuyobozi. Iri tsinda ryashinzwe mu mwaka wa 2014 aho abarigize bose uko ari batatu (Inzora Bénoît, Inzora Janvier n’ Inzora Germaine) babarizwaga mu itorero ndangamuco ry’ intayoberana. Bacutse bahitamo kwihuriza hamwe bakora itsinda ryitwa inzora.

Inzora Benoit iyi ndirimbo yasohoye ni indirimbo y’ amateka y’ ubuhunzi bw’ abanyarwanda muri 1959 aho iyo uyikurikiranye usangamo amazina y’ imisozi yo mu bihugu by’ abaturanyi ba Uganda na Tanzaniya kuko ariho abanyarwanda benshi bameneshejwe berekeza. Iyi ndirimbo umwimerere wayo yakozwe n’ umusaza witwaga Nkubito Desire uzwi nka Cyamutamu uherutse gutabaruka ariko nubwo yagiye murumva ko yasize umusanzu ukomeye. Icyateye Inzora Benoit kuyikora neza mu mwimerere wayo ni uko intego ya mbere ari ugusigasira umuco n’ amateka by’ igihugu akaba yumva igihangano nk’ iki kitagenda ngo kizimire kuko iyo utazi iyo uva ntumenya niyo ugana .

Inzora Benoit kandi yatangarije Inyarwanda. Com ko nubwo iyi ndirimbo ivuga ku mateka y’ ubuhunzi ari nawo mwimerere yawo hari nindi version yayo yakozwe muri 1990 yo yibanda cyane ku mateka y’ urugamba rwo kubohora igihugu.

Itsinda inzora rikomeje ibikorwa byo kunezeza abakunzi ndetse nababatumira mu birori ariko by’ umwihariko Inzora Bénoît yanadutangarije ko abahishiye Umuzingo w’ indirimbo nziza z’ ubutumwa buhindura umuryango nyarwanda burushaho kuwuganisha aheza kurushaho iyo album ikazajya ahabona mu kwezi kwa mbere kumwaka utaha mukomeze mugubwe neza m umukurikire kumbuga nkoranyamabaga muzabona byinshi byiza abategurira.

 

Related Articles

Leave a Reply

Your email address will not be published.

Back to top button