IMIKINO

Ujeneza Robert alias Kolo yitabye Imana

Umukinnyi mpuzamahanga w’umunyarwanda Ujeneza Robert Kolo yitabye Imana ari mu gihugu cya Kongo Kinshasa asanzwe akomokamo kugeza magingo aya amakuru y’icyo yaba yazize ntago kiratangazwa.

Unyuze ku rubuga rwa Transfermarket rwerekana ko Ujeneza Robert yavutse mu 1983,akaba ari umwe mu bakinnyi bahawe ubwenegihugu bw’u Rwanda ndetse akaza gukinira amakipe menshi mu Rwanda arimo Marine Fc, Police FC na Rayon Sports.

Uyu mugabo wakinaga muri ba myugariro yigaragaje cyane igihe yafatanyaga na Nyakwigendera Hamad Ndikumana Katauti ubwo u Rwanda rwahuraga na Nigeria mu gushaka itiki yo kwerekeza mu gikombe cy’isi cya 2006 cyabereye mu budage.

                                        Ujeneza Robert Kolo yitabye Imana.

Muri uwo mukino Ujeneza Robert yagaragaye yafashe Nwanku Kanu akamubika ku buryo ntakintu yigeze akora muri uwo mukino nubwo byaje kurangira Amavubi anganyije na Super Eagles ya Nigeria nyuma yuko Obafemi Martins yaje gusiga abinyuma b’u Rwanda akishyura igitego cyari cyatsinzwe na mana y’ibitego Jimmy Gatete nyuma yo kwandagaza abakinnyi bari bakomeye ba Nigeria barimo Joseph Yobu.

Ujeneza Robert Kolo azibukirwa ku ishyaka yagiraga haba mu myitozo ndetse no mu mukino muri rusange, yaherukaga kuvugwa mu Rwanda mu mpera za 2011 ubwo yari mu ikipi ya Police Fc.

Uyu ni umwe mu bakinnyi bakiniye amavubi utabarutse mu gihe cya vuba nyuma ya Jano Witakenge, Ndikumana Hamad Katauti,Gangi n’umuzamu Evariste Mutuyimana.

Related Articles

Leave a Reply

Your email address will not be published.

Back to top button