AmakuruUBUZIMA

Ubutaliyani bwahaye u Rwanda inkingo za covid-19 ibihumbi 857

Igihugu cy’ubutaliyani cyahaye u Rwanda dose z’inkingo za Covid-19 zigera ku bihumbi 857 zizafasha igihugu gukomeza gukingira abanyarwanda dore ko  Rwanda rufite gahunda yo kuba rwaramaze gukingira abanyarwanda bagera kuri 60% muri Kamena umwaka utaha.

Izi nkingo ubutaliani bwahaye u Rwanda zije ziyongera ku zindi zo mu bwoko bwa JJ Jonhnson ziri kwifashishwa mu gukingira abanyarwanda dore ko kugera kuri ubu abanyarwanda bagera ku 1,680,361 bamaze guhabwa doze zombi mu gihe abasaga 2,131,766 bo bamaze guhabwa dose ya mbere.

Izi nkingo zatanzwe n’ubutaliyani zakiriwe ku kibuga cy’indege mpuzamahanga cya Kigali na Hassan Sibomana wari uhagarariye Minisitiri w’ubuzima ndetse na Ambasaderi Guillaume Kavaruganda akaba ari umuyobozi mukuru ushinzwe uburayi n’amerika muri Minisiteri y’ububanyi n’amahanga.

Inkingo zakiriwe na Amb Kavaruganda Guillaume ushinzwe uburayi n’Amerika muri Minaffet

Kuva icyorezo cya Covid-19 cyagera mu Rwanda muri Werurwe umwaka ushize wa 2020 kugeza ubu u Rwanda rumaze gufata ibipimo bigera kuri 2,8621,591 ndetse kugeza ubu abantu bagera ku 1283 nibo bamaze guhitanwa niki cyorezo.

Kuri ubu ingamba zo gukumira ikwirakwira rya Covid-19 zigenda zoroshywa uko abaturarwanda bakomeza kubahiriza amabwiriza kuko kuri ubu serivisi zose zisa nkaho zafunguwe ndetse hari icyizere cyuko umwaka utaha ubuzima buzaba bwarasubiye uko bwahoze.

 

Related Articles

Leave a Reply

Your email address will not be published.

Back to top button