MU MAHANGAPOLITIKI

Ubushinwa bukomeje kuvogera ikirere cya Taiwan

Chiu-Kuo Cheng minisitiri w’ingabo wa Taiwan yatangaje ko igihugu cy’ubushinwa gikomeje kubashotora ku rwego rwo hejuru mu gihe kirenga imyaka 40 ko aribwo bwa mbere kibikoze ku buryo buhambaye bushobora gutuma habaho kurasana byavamo intamabara yeruye hagati y’ibihugu byombi.

Ku bushinwa bufata Taiwan nk’intara yabwo yabwigumuyeho mu gihe Taiwan yo yifata nk’igihugu gifite ubwigenge, kugeza kuri ubu hari impaka nyinshi mu bihugu by’amahanga harebwa icyakorwa kugirango ibyo bihugu byumvikane, gusa ubushinwa bwo buvuga ko buzakoresha ibishoboka byose kugirango bwisubize intara ya Taiwan.

Iminsi ine yikurikiranya indege z’intambara z’abashinwa zagiye zigurukira mu kirere gifatwa nkaho ari icya Taiwan, uwo muyobozi Kuo Cheng yavuze ko kuba indege zaguruka mu minsi ine yikurikiranya bishobora kuvamo intambara mu gihe ingabo za Taiwan zasubiza.

Uyu minisitiri w’ingabo wa Taiwan yabwiye inteko ishinga amategeko ya Taiwan i Taipei ko akurikije uko ubushotoranyi bw’ubushinwa buhagaze bishobora kugeza mu 2025 haradutse intambara kuri icyo kirwa ndetse ahita anasaba inteko ko yakwemeza umushinga wo guha igisirikari amamiliyari menshi y’amadorali yafasha igihugu kubaka amato y’intambara ndetse nayo kwirinda za missile zishobora guterwa n’ubushinwa.

Igihugu cya Taiwan cyivanye ku bushinwa mu mwaka wa 1949 igihe abakominisiti bafataga ubutegetsi mu bushinwa kugeza nubu ntiremerwa ku kuba yaba umunyamuryango wa LONI usibye ko ifite ibihugu byinshi bikomeye biyishyigikiye ndetse birimo n’Amerika isanzwe iyigurisha intwaro.

Mu biganiro biherutse guhuza ba perezida bombi Xi Ji ping na Joe Biden bumvikanye ku masezerano yo kwirinda gushyamirana u bibazo bya Taiwan ndetse no kwirinda intambara ishobora kubaho mu gihe ubushinwa bwaba bushatse kwigarurira Taiwan hakoreshejwe intwaro.

Related Articles

Leave a Reply

Your email address will not be published.

Back to top button