POLITIKI

U Rwanda rwasinyanye amasezerano y’ubufatanye na Zimbabwe

Minisitiri w’ububanyi n’amahanga w’u Rwanda Dr Vincent Biruta yashyize umukono ku masezerano y’ubufatanye mu ngeri nyinshin’igihugu cya Zimbabwe aho uyu muhango wabereye muri  Kigali Convention Center aho ibihugu byombi biri mu nama izamara iminsi itatu.

Ni amasezerano y’ubufatanye akubiyemo ibirebana n’ubuhinzi n’ubworozi ndetse n’iterambere ry’ubuhinzi ku bihugu byombi, hanarimo kandi amasezerano agendanye n’ihindagurika ry’ibihe (Climate Change) no kurengera ibidukikije yo yashyizweho umukono na Dr Mujawamariya Jeanne d’Arc, harimo kandi amasezerano agendanye n’ubukerarugendo.

Dr Mujawamariya Jeanne d’Arc amaze gusinya amasezerano

Hanarimo kandi amasezerano y’ubufatanye mu by’ikoranabuhanga ICT na E-Governance ndetse kandi urwego rw’abikorera mu gihugu PSF rukaba narwo rwagiranye amasezerano n’urwo muri Zimbabwe.

Nubwo mu myaka ishize iki gihugu cyahuye n’ibihe bikomeye by’ubukungu ni kimwe mu bihugu bisanzwe bifite inzego nyinshi zateye imbere zirimo ubukerarugendo ndetse na bimwe mu ikoranabuhanga dore ko cyakoronijwe n’abangoreza kugeza 1980 ubwo cyabonaga ubwigenge.

Imibanire ya Zimbabwe n’u Rwanda yigeze kuzamo agatotsi mu mwaka w’1998 mu ntambara ya kabiri ya Congo ariko kuri ubu ni ibihugu bibanye neza kuva aho perezida Emerson Munangagwa agiriye ku butegetsi mu mwaka wa 2017 ubwo Robert Mugabe yahirikwaga.

Related Articles

Leave a Reply

Your email address will not be published.

Back to top button