IMIKINO

U Rwanda rwamanutseho umwanya umwe mu gihe ububligi bukiyoboye

Urutonde ngarukakwezi rw’ishyirahamwe ry’umupira w’amaguru ku isi Fifa rwo muri uku kwezi rwagaragaje ko u Rwanda rwamanutseho umwanya umwe ugereranije n’ukwezi gushize aho rwari ku mwanya w’127, ni mugihe kandi Ububiligi bukiyoboye na Senegal ikaba iza ku isonga muri Afurika. 

Muri uku kwezi u Rwanda rwakinnye imikino ibiri yo gushaka itike yo kwerekeza mu gikombe cy’isi aho rutigeze rwitwara neza muri iyo mikino dore ko rwatsindiwe na Mali mu gihugu cya Maroc ndetse runanganyiriza na Kenya i Kigali 1-1.

Uku kutitwara neza kw’Amavubi kandi kwatumye rumanuka ku rutonde ngarukakwezi rwa Fifa aho rwavuye ku mwanya w’127 rukagera ku 128 ugereranije naho rwari ruhagaze mu mwaka ushize.

Ku isi ububiligi buracyari ku mwanya wa mbere bunamazeho igihe dore ko kuva 2018 aribwo bwari imbere, bunakurikiwe na Brazil ndetse Ubwongereza bwazamutseho umwanya umwe buba ubwa gatatu busimbuyeho ubufaransa bwo bwamanutse bukaba ubwa kane.

                          U Rwanda rwamanutseho umwanya umwe ku rutonde rwa FIFA.

Ku mugabane w’Afurika ikipe ya Senegal niyo iri ku mwanya wa mbere aho iri ku mwanya wa 20 ku rwego rw’isi ikurikiwe na Tunisia yo iri ku mwanya wa 25 ku isi.

Tuje mu karere u Rwanda rurimo ka Cecafa Uganda niyo iza ku isonga aho iri ku mwanya wa 86 ku isi ikurikiwe na Kenya yo iri ku mwanya w’102, nayo igakurikirwa na Sudan ya ruguru iza imbere y’u Rwanda dore ko ari iya 127 ku isi, Tanzania ni iyi 132 mu gihe u Burundi buherereye ku mwanya w’141.

Related Articles

Leave a Reply

Your email address will not be published.

Back to top button