AmakuruMU MAHANGAPOLITIKI

U Rwanda ruri ku mwanya wa 4 mu bihugu byiza bya Afurika byo gushoramo imari mu mwaka wa 2021 

Igihugu cy’u Rwanda cyagaragaye ku rutonde rw’ibihugu byiza byo ku mugabane wa Afurika byashorwamo imari n’abanyamahanga nk’uko byatangajwe n’imwe muri banki yo mu gihugu cya Afurika y’Epfo izwi nka South African Rand Merchant Bank (RMB).

Uru rutonde rwa RMB, rugaragaza ibihugu 10 byambere bikurura ishoramari muri Afurika, hagamijwe gushora imari ku mutungo utimukanwa mu bukungu cyangwa gushaka kwagura ubucuruzi bushingiye ku bikorwa remezo bifatika.

Nk’uko byatangajwe mu nyandiko ya South African Rand Merchant Bank (RMB), ndetse n’umuhanga mu by’ubukungu muri Afurika, Daniel Kavishe, yatangaje ko nubwo icyorezo cya Koronavirusi cyibasiye isi hari ibihugu muri Afurika byoroshye mu gushoramo imari muri 2021.

Daniel Kavishe yagize ati “Nubwo icyorezo cyazanye ibintu byinshi, cyanatanze amahirwe yo kongera gutekereza kuri politiki n’ubucuruzi. Ikigaragara cyane ni uko ingamba zo gutera imbere zigamije kurwanya ubukene, ubusumbane n’ubushomeri muri Afurika muri rusange bigomba gushyirwa mu bikorwa.”

Kugeza ubu South African Rand marchant Bank yatangaje ko ibyo bihugu 10 byambere bikurura ishoramari muri Afurika mu mwaka wa 2021 ni Misiri, Marocco, Afurika y’Epfo, Rwanda, Botswana, Ghana, Mauritius, Ivory Coast, Kenya na Tanzania.

Uru rutonde ruhindutse nyuma y’imyaka 7 hatangajwe urundi rutonde icyo gihe igihugu cy’u Rwanda rwari ku mwanya wa 9 mu bihugu 10.

Related Articles

Leave a Reply

Your email address will not be published.

Back to top button