AMATEKA

Taliki 11 Nzeri: Imperuka ku banyamerika

Itariki nkiyi mu myaka 21 ishize ni amawe mu mateka atazibagirana mu banyamerika ku butaka bwabo ahari igicumbi n’ibimenyetso Amerika nk’igihugu yubakiyeho aho byasaga nkaho igihugu kiri mu ihanuka(Fall) ubwo bwa mbere mu mateka habaye ibitero karahabutaka byasenye zimwe mu nyubako zari mu ndende ku mubumbe dutuye, abaturage ba New York bahuye n’imperuka mu munsi umwe utazibagirana mu mateka yabo. 

Ibitero byo ku ya 11 Nzeri, bakunze kwita 9/11, byari uruhererekane rw’ibitero bine by’iterabwoba byahujwe n’umutwe w’iterabwoba w’abayisilamu witwa Al-Qaeda kuri Leta zunze ubumwe z’Amerika kuri gitondo cyo ku wa kabiri, 11 Nzeri 2001.

Muri icyo gitondo, indege enye z’ubucuruzi ziva mu majyaruguru y’uburasirazuba bw’Amerika zerekeza muri leta ya Californiya zashimuswe n’ibyihebe 19 bya al-Qaeda. Abashimuse izo ndege babiteguye mu matsinda atatu buri rimwe rifite batanu n’itsinda rimwe rya bane. Buri tsinda ryari rifite kabuhariwe umwe wari warahawe imyitozo yo gutwara indege kandi Intego yabo yari iyo kugongesha buri ndege buri nyubako ikomeye y’Abanyamerika, bigahitana abantu benshi ndetse no gusenya igice cyangwa burundu inyubako bifuzaga kubona hasi.

Indege ya mbere yashimuswe ni Indege ya American Airlines flight 11. Nyuma yiminota cumi nirindwi saa cyenda nigice za mugitondo, umunara w’amajyepfo wa World Trade Center wagonzwe nindege ya United Airlines 175. inzu y’amagorofa 110 yaguye mumasaha abiri n’iminota mirongo ine n’ibiri, bituma isenyuka ryizindi etaje 7 za World Trade Center, kandi yangiza cyane inyubako zari zikikije.

Indege ya gatatu, Indege ya American Airlines 77, yavuye ku kibuga cy’indege mpuzamahanga cya Dulles, yashimuswe igeze hejuru ya Leta ya Ohio. Ku isaha ya saa cyenda n’iminota 37 za mu gitondo, yaguye mu burengerazuba bwa Pentagon (icyicaro gikuru cy’ingabo z’Abanyamerika) mu Ntara ya Arlington, muri Virijiniya, bituma igice cy’inyubako gisenyuka igice.

Abandi bantu benshi bapfuye nyuma y’ibitero barimo n’abanyamakuru.

Indege ya kane, yari nayo ya nyuma, yari Indege ya United Airlines 93, yerekejwe mu cyerekezo cya Washington, Abagenzi bari muri iyo indege bagerageje kongera kwigarurira indege bayambura ibyihebe maze amaherezo bahindura indege aho yari yerekejwe; yaguye mu murima hafi ya Shanksville, Pennsylvania saa 10:03 za mu gitondo. Abashakashatsi bemeje ko iyo ndege yari igamije kugonga White House cyangwa Capitol ya Amerika.

Nyuma y’ibitero leta y’Amerika yahise yanzura ko al-Qaeda ariyo yabigizemo uruhare;
ku mugaragaro bahita batangiza Intambara yo kurwanya iterabwoba no gutera Afuganisitani gukuraho Abatalibani, batubahirije icyifuzo cy’Amerika cyo kwirukana al-Qaeda muri Afuganisitani no kohereza umuyobozi wa al-Qaeda Osama bin Laden. N’ubwo bin Laden yabanje guhakana ko nta ruhare yagize muri ibyo bitero, mu 2004 Al Qaeda yavuze ko ari yo nyirabayazana w’ibyo bitero.

Abayobozi b’Amerika bari gukurikirana igikorwa cyo guhitana Bin Laden.

Al-Qaeda na bin Laden bavuze ko Amerika ishyigikiye Isiraheli, kuba ingabo z’Amerika muri Arabiya Sawudite, ndetse n’ibihano byafatiwe Iraki nk’impamvu. Bin Laden amaze guhunga byaje gufata imyaka hafi icumi,kugirango yicwe ubwo yari aherereye mu bwihisho i Abbottabad, muri Pakisitani, ari naho yiciwe muri Operation Neptune Spear.

Ibyo bitero byahitanye abantu 2.977, abandi barenga 25.000 barakomereka, ndetse n’ingaruka zikomeye z’ihungabana bw’igihe kirekire, mu byangijwe nicyo gitero byibuze miliyari 10 z’amadolari y’ibikorwa remezo. iki nicyo igitero cy’iterabwoba cyahitanye abantu benshi mu mateka ya muntu ndetse cyanahitanye abantu benshi bari bashinzwe kuzimya umuriro n’abashinzwe umutekano mu mateka y’Amerika, aho 340 na 72 bishwe n’ibirimi by’umuriro.

Hubatswe inzibutso nyinshi, zirimo Urwibutso & Ingoro ndangamurage y’igihugu yo ku ya 11 Nzeri mu mujyi wa New York, Urwibutso rwa Pentagon mu Ntara ya Arlington, muri Virijiniya, n’Urwibutso rw’indege rwa 93 aho impanuka ya Pennsylvania yabereye.

Related Articles

Leave a Reply

Your email address will not be published.

Back to top button