UBUZIMA

Sobanukirwa ubwoko bushya bwa Covid-19 bwitwa MU

Kuva mu mpera za 2019 isi yose ihanganye isa naho iri mu bihe bidasanzwe byo guhangana na Covid-19 yagaragaye bwa mbere mu gihugu cy’ubushinwa mu mujyi wa Wuhan usanzwe ari ihuriro ry’abaguzi b’inyamanswa zo mu gasozi kuva icyo gihe isi yose yabaye nkihungabana ndetse abashakashatsi barakorana kugira ngo barebere hamwe icyo bakora ngo bahangane nicyo cyorezo.

Uko iminsi yagiye yicuma ni nako icyo cyorezo cyagiye kihinduranya nyuma yuko hagiye havumburwa inkingo nyinshi cyane zo kukirwanya dore ko mu mwaka wa 2001 higeze kwaduka indi covid ariko itari 19 ikaza guhashywa vuba na none mu bushinwa nkuko OMS ibitangaza.

Nyuma yo kumenya ko virus itera Coronavirus igenda yihinduranya mu buryo butandukanye hagiye havugwa ingingo nyinshi zinyuranye zirimo ubwoko bushya bwaba butazabasha guhangarwa n’inkingo cyangwa se zikaba zitabasha kugira icyo ziyikoraho mu gutuma idahitana abantu benshi, nibwo hamenyekanye izitwa za Alpha,Delta,Beta ndetse indi ikaza yitwa Gamma.

                                     Covid-19 imaze kugira 5 zihinduranya.

Muri Mutarama uyu mwaka nibwo OMS yatangaje ko hari ubundi bwoko bushya bwa Covid bwagaragaye mu gihugu cya Colombia ndetse kugeza ubu ikaba igeze mu bihugu bisaga 39 muri rusange, OMS kandi itangaza ko urukingo ruhari ubu rutabasha guhangana n’ibigize “MU” ariko ikanahumuriza abatuye isi ko itari hejuru ya Delta yagiye yisasira ingogo mu bihugu birimo ubuhindi mu mezi abiri ashize.

Ariko na none OMS ivuga ko MU ifite ubushobozi bwo kwihinduranya ku buryo byagora inkingo zihari za Covid-19 kuba zayihangara ariko kuva yamenyekana ntago yigeze igira ingaruka zikomeye nkizo Delta yagize dore ko ivugwa mu bihugu 39 gusa kandi naho ikaba itarangijeyo byinshi.

MU nubwo wavuga ko idahangayikishije ariko ntiwabura gutekereza ko ishobora kuba imwe mu mungu zizazahaza isi mu minsi iza mu gihe itaba ihawe agaciro ngo ikumirwe hakiri kare nkuko bisanzwe ku zindi ndwara z’ibyorezo.

Related Articles

Leave a Reply

Your email address will not be published.

Back to top button