AmakuruMU MAHANGAPOLITIKI

Sobanukirwa icyohereje Uburusiya muri Ukraine

Kuva mu mezi make ashize, Putin yohereje ku mupaka w’igihugu cye na Ukraine ingabo zirenga ibihumbi 190, aho byatangiye kunugwanugwa ko yaba ari kwitegura intambara

Umwaka ushize kandi, u Burusiya bwagejeje kuri Leta Zunze Ubumwe ubusabe bwabwo ku kibazo cya Ukraine, ndetse zimwe mu ngingo zikaba zitari nshya mu matwi ya Amerika n’ibindi bihugu biyishyigikiye biri mu muryango wa NATO.

Putin yasabaga ko NATO ihagarika ibikorwa byayo byo kwagukira mu Burasirazuba bw’igihugu cye ndetse yamagana umugambi wo kugira Ukraine umunyamuryango wayo. Yavuze ko mu gihe Ukraine itajya muri NATO, igihugu cye cyiteguye kuyibungabunga.

Ukraine ni igihugu cya kane ku Isi gihabwa ubufasha bwinshi mu bya gisirikare na Amerika ndetse inzego z’ubutasi z’impande zombi zishyize hamwe mu mugambi u Burusiya bugaragaza ko ububangamiye.

Nubwo Putin yakomeje kugaragaza ko abangamiwe no kuba Ukraine ishaka kujya muri NATO no kuba uyu muryango nawo ukomeje kwagura ibikorwa byayo mu nyungu zibangamiye igihugu cye, nta nubwo yemera leta ya Ukraine.

Yanditswe na Dushimimana Elias

Related Articles

Leave a Reply

Your email address will not be published.

Back to top button