IMIKINO

Serge Aurier yasinyiye Villarreal

Ikipe ya Villarreal yo mu cyiciro cya mbere mu gihugu cya Espagne yamaze gusinyisha myugariro w’umunyacote d’Ivoire Serge Aurier wari umaze igihe kigera ku mezi atatu nta kipe afite nyuma yo gutandukana na Tothenham ku bwumvikane.

Aurier yari yaje muri Tothenham azanywe na Pochettino amukuye mu ikipe ya Paris St Germain kugirango aze asimbure Kylian Trippier wari uri kwifuzwa bikomeye na  Atletico Madrid, nyuma rero y’igihe kigera ku myaka itatu akina muri Spurs yaje gufata umwanzuro wo kuyivamo.

Hagiye havugwa amakipe menshi uyu mukinnyi w’imyaka 28 yashoboraga kwerekezamo ariko ntibyabasha gukunda nawe agerageza kwicecekera ariko ku mugoroba wo cyumweru twasoje nibwo amakuru yatangiye gucicikana avuga ko uyu mutoza ari mu marembo yo kwerekeza muri Villarreal.

Serge Aurier ni umukinnyi mushya wa Villarreal.

Kujya muri iyi kipe aje asangamo benshi mu bantu baziranye cyaneharimo umutoza Unai Emery wamutoje muri PSG ndetse na Jose Foyth bahoze bakinana muri Tothenham ndetse banakina ku mwanya umwe.

Serge Aurier yatangiye gukina nk’uwabigize umwuga mu mwaka wa 2009 ubwo yatangiriraga mu ikipe ya RC Lens mbere yo kuyivamo ajya muri Fc Toulouse nayo yaje kumugurisha muri Paris Saint Germain, nyuma yo kumara umwaka umwe w’intizanyo.

Yaje muri Spurs muri 2017 akaba yarasheshe amasezerano amaze kuyikinira imikino isaga 114 akayitsindira ibitego umunani.

Related Articles

Leave a Reply

Your email address will not be published.

Back to top button