AmakuruIMIKINO

Rutahizamu Leo Messi yegukanye Ballon d’Or ya 7

Rutahizamu Lionel Messi yaciye agahigo ku Isi nyuma yo kwegukana Ballon d’Or ya 7

Urutonde rw’uko abakinnyi 10 ba mbere barushanyijwe amanota

1 | Messi (613 pts)

2 | Lewandowski (580 pts)

3 | Jorginho (460 pts)

4 | Benzema (239 pts)

5 | Kanté (186 pts)

6 | Cristiano Ronaldo (178 pts)

7 | Salah (121 pts)

8 | De Bruyne (73 pts)

9 | Mbappé (58 pts)

10 | Donnarumma (36 pts)

Uyu mukinnyi utahizamu w’umunya-Argentine ukinira ikipe ya PSG, Lionel Messi yegukanye umupira wa zahabu uhabwa umukinnyi wahize abandi ku Isi mu mwaka (Ballon d’Or 2021) yuzuza Ballon d’Or ya Karindwi yegukanye, ashyiraho agahigo gakomeye ku Isi bizagorana kugakuraho.

Mu ijoro ryo kuri uyu wa Mbere tariki ya 29 Ugushyingo 2021, nibwo Messi yashyikirijwe Ballon d’Or ya karindwi yegukanye mu mateka ye, aba umukinnyi wa mbere ukoze ayo mateka n’ubundi yari yihariye nyuma yo gutwara Ballon d’Or ya Gatandatu mu 2019.

Messi yageze kuri aka gahigo nyuma yo gufasha ikipe y’igihugu ya Argentine kwegukana igikombe cya Copa America 2021, ikipe ye yari inyotewe, akanarangiza irushanwa ari we watsinze ibitego byinshi ndetse akanatorwa nk’umukinnyi mwiza w’irushanwa.

Umunya-Pologne ukinira ikipe ya Bayern Munich, Robert Lewandowski, yegukanye igihembo cya rutahizamu mwiza wigaragaje kurusha abandi mu mwaka wa 2020, aho yatsindiye Bayern Munich ibitego 48 mu mikino 40 yakinnye, ndetse akanatsindira Pologne ibitego 2 mu mikino 4.

Umutaliyani ukinira ikipe ya PSG, wanakiniye AC Milan, Gianluigi Donnarumma niwe wegukanye igihembo cy’umunyezamu mwiza w’umwaka ahigitse abarimo Edouard Mendy wa Chelsea, Manuel Neuer wa Bayern Munich, Thibaut Courtois wa Real Madrid n’abandi. Uyu munyezamu kandi yasoje ari uwa cumi mu bakinnyi 30 bahataniraga Ballon d’Or 2021.
Umukinnyi wa FC Barcelona, Pedri Gonzalez niwe wegukanye igihembo gihabwa umukinnyi utarengeje imyaka 21 (U-21) witwaye neza kurusha abandi ku Isi (KopaTrophy).

Perdi yegukanye igihembo ahigitse abarimo Jude Bellingham ukinira Dortmund, Janal Musiala ukinira Bayern Munich, Bukayo Saka wa Arsenal, Mason Greenwood wa Manchester United n’abandi.

Ikipe ya Chelsea yahembwe nk’ikipe yigaragaje kurusha andi mu mwaka wa 2021, nyuma yo kwegukana UEFA Champions League na UEFA Super Cup mu mwaka umwe.

Ubu Lionel Messi niwe mukinnyi mu mateka y’umupira w’amaguru umaze kwegukana Ballon d’Or nyinshi, aho ubu amaze kwegukana 7, akaba akurikiwe na mugenzi we ukomoka muri Portugal ukinira Manchester United, Cristiano Ronaldo wegukanye Ballon d’Or 5.

Related Articles

Leave a Reply

Your email address will not be published.

Back to top button