AmakuruIMYIDAGADUROUBUTABERA

Prince Kid yitabye Urukiko rw’Ibanze rwa Kicukiro ngo atangire kuburana ku ifungwa n’ifungurwa ry’agateganyo

Ishimwe Dieudonné, Uzwi nka Prince Kid yitabye Urukiko rw’Ibanze rwa Kicukiro ngo atangire kuburana ku ifungwa n’ifungurwa ry’agateganyo, bigendanye n’ibyaha by’ihohotera rishingiye ku gitsina bikekwa ko yakoreye bamwe mu bakobwa bitabiriye irushanwa rya Miss Rwanda amaze igihe ategura.

Ni urubanza rwitabiriwe n’abarimo umubyeyi wa Miss Rwanda 2017 Iradukunda Elsa, na we ufunzwe muri iyi dosiye akekwaho kubangamira iperereza.

Umucamanza umwe uburanisha uru rubanza, umwanditsi w’urukiko n’abashinjacyaha babiri, bose ni abagore.

Mu cyumba cy’iburanisha kiri kuberamo uru rubanza harimo abantu bake, benshi mu bari ku rukiko ni abanyamakuru. Umutekano wakajijwe ku buryo uwinjira ku rukiko wese abanza gusakwa.

Umucamanza yabanje gusoma imyirondoro ya Ishimwe, akurikizaho ibyaha aregwa.

Yasomye ibyaha bitatu birimo gukoresha undi imibonano mpuzabitsina ku gahato, gusaba cyangwa gukoresha ishimishamubiri rishingiye ku gitsina no guhoza undi ku nkeke bifitanye isano n’imibonano mpuzabitsina.

Ishimwe yemeje ko umwirondoro ari uwe, ndetse ko afite umwunganira, nubwo atabonetse mu rukiko.

Umucamanza yasabye umwe mu bagize umuryango wa Ishimwe kumuhamagara, kugira ngo bimenyekane niba aza kunganira uregwa.

Igihe

Related Articles

Leave a Reply

Your email address will not be published.

Back to top button