MU MAHANGA

Prince Andrew yanzuye kwanga kwitaba urukiko

Igikomangoma Andrew akaba n’umwana wa gatatu w’umwamikazi Elisabeth yatangaje ko nta butumire bw’urukiko azigera yitabira ku birego ashinjwa byo guhatira umukobwa kuryamana nawe mu gihe yari ataruzuza imyaka y’ubukure.

Igikomangoma Andrew ari kumwe na Giuffre mu 2001.


Prince Andrew bivugwa ko yaba ayarahatiye uwo mukobwa witwa Giuffre wari ufite imyaka 17 bigizwemo uruhare uruhare na Jeffrey Epstein, wari inshuti na Andrew, akaba yariyahuriye muri gereza nyuma yo gushinjwa ibyaha byo gufata ku ngufu abagore n’abakobwa, ndetse akanagira uruhare mu bikorwa by’icuruzwa ry’abantu.

Uyu Epstein niwe wahuje Andrew na Giuffre, arangije yishyura uyu mukobwa ibihumbi 15$, anamusaba ko azongera guhurira na Andrew i New York izindi nshuro ebyiri.

Giuffre uri mu bagore bashinje Epstein kubafata ku ngufu, amaze igihe kinini aca amarenga yo kuzarega Igikomangoma Andrew, uretse ko cyakunze guhakana iby’ibi birego, na cyane ko bifite uburemere kuko uwabikorewe icyo gihe yari umwana utarageza imyaka 18.

Si ku nshuro ya mbere ibikomangoma by’ibwami bivuzweho ibikorwa by’ubusambanyi kuko abana hafi ya bose b’umwamikazi Elisabeth batandukanye n’abo bari barashakanye uretse bucura bwe Prince Edward niwe ukiri kumwe nuwo bashakanye.

Related Articles

Leave a Reply

Your email address will not be published.

Back to top button