IMIKINO

Police Fc yasinyishije Bakame

Amakuru agera ku Imitari.rw aremeza ko Ndayishimiye Eric Bakame yamaze kugurwa na Police Fc akaba ayerekejemo nyuma yuko amasezerano yari afitanye na As Kigali yarangiye ntiyongerwe dore ko imyaka ibiri yari yasinye yarangiranye na Saison ishize.

Uyu mugabo ugaragaza ko yavutse mu 1988 yari yaje muri As Kigali avuye mu ikipe ya AFC Leopard yo mu gihugu cya Kenya nyuma y’umwaka umwe gusa yari ayimazemo amaze gutandukana na Rayon Sports imusezereye nyuma y’umwuka utari mwiza muri iyo kipe yari anabereye kapiteni.

Ndayishimiye Eric zwi nka Bakame yamaze kwerekeza muri Police Fc

Biravugwa ko uyu mukinnyi yasinye amasezerano y’umwaka umwe ndetse bishoboka ko yaba yishyuwe agera kuri miliyoni 7 z’amafaranga y’u Rwanda akazajya anahembwa asaga ibihumbi 800 ku kwezi gusa kugeza kuri ubu  ikipe ya Police Fc ntakintu irabitangazaho mu gihe igura n’igurisha mu Rwanda riza gushyirwaho akadomo kuri uyu munsi i saa 23h59.

Bakame kuba yerekeje muri Police Fc ubwo bihise bimushyira ku rutonde rw’abakinnyi bakiniye amakipe agera kuri ane akomeye mu Rwanda ariyo APR Fc yagiyemo avuye muri Atraco nyuma yo kuyihesha Cecafa Kagame Cup ya 2009 bakuye muri Sudan ndetse nyuma aza kwerekeza muri Rayon Sports yavuyemo mu mpera za 2018.

Related Articles

Leave a Reply

Your email address will not be published.

Back to top button