AmakuruMU MAHANGAPOLITIKI

Perezida w’u Rwanda Paul Kagame yasuye Ishuri rya Gisirikare rya G5 Sahel muri Maurtanie

Ibiro by’Umukuru w’Igihugu, Village Urugwiro byatangaje ko Perezida Kagame yasuye iri shuri kuri uyu wa Kane tariki 24 Gashyantare 2022.

Perezida Kagame uri mu ruzinduko rw’iminsi ibiri i Nouakchott muri Maurtania yasuye Ishuri Rikuru rya Gisirikare ry’ibihugu bihuriye mu Karere ka G5 Sahel [Collège de Défense du G5 Sahel].

Perezida Kagame yasuye iri shuri ari kumwe na mugenzi we wa Maurtania, Mohamed Ould Ghazouani n’abayobozi mu nzego zitandukanye z’iki gihugu.

Iri shuri ryatangiye mu 2013 ari umushinga wa Maurtania gusa ariko nyuma riza kugirwa iry’akarere kose ka Sahel. Aka karere kagizwe na Burkina Faso, Mali, Mauritania, Niger na Tchad.

Muri uru ruzinduko, abakuru b’ibihugu byombi bakurikiranye isinywa ry’amasezerano y’ubufatanye mu bijyanye n’ingendo zo mu kirere.

Ni amasezerano azatuma RwandAir itangira gukora ingendo zijya n’iziva i Nouakchott mu gihe cya vuba nkuko Igihe ibitangaza dukesha iyi nkuru.

Perezida Kagame yatangiye uruzinduko rw’akazi muri Maurtania ku wa Gatatu aho akigerayo yakiriwe na Perezida w’iki gihugu, Mohamed Ould Ghazouani. Uru ruzinduko yarusoje ku gicamunsi cyo kuri uyu wa Gatatu.

Yanditswe na Dushimimana Elias

Related Articles

Leave a Reply

Your email address will not be published.

Back to top button