AmakuruPOLITIKI

Perezida Kagame yakiriye intumwa zaturutse muri Zimbabwe

Kuri uyu munsi nyakubahwa perezida wa repubulika Paul Kagame yakiriye intumwa zari ziyobowe na minisitiri w’ububanyi n’amahanga ndetse n’ubucuruzi mpuzamahanga wa Zimbabwe Musiiwa Makamure Shava ziri mu ruzinduko rw’iminsi itatu mu Rwanda.

Bitabiriye inama ihuza u Rwanda na Zimbabwe ku bijyanye n’ubukungu iri kubera muri Kigali Convention Center, izi ntumwa zagiye mu biro bya perezida muri Village Urugwiro nyuma y’umuhango gufungura Ambasade ya Zimbabwe i Kigali.

U Rwanda na Zimbabwe biri mu mujyo wo kunoza umubano kuva aho perezida Mnangagwa agiriye ku butegetsi mu mwaka wa 2017, guhera ubwo ibihugu byombi byagiye bisubiza ibintu mu murongo nyawo.

                         Emerson Mnangagwa yaje mu Rwanda mu 2019.

Ndetse mu mwaka wa 2019 perezida Mnangagwa yitabiriye ibirori byo kwizihiza isabukuru yo kwibohora ku nshuro ya 25 ndetse icyo gihe yanagiranye ibiganiro na perezida Kagame baganira ku ngingo nyinshi zirimo ubufatanye mu bucuruzi n’ibindi.

Zimbabwe isanzwe ari kimwe mu bihugu bicumbikiye abanyarwanda benshi barimo n’abahunze igihugu mu 1994 aho abenshi binjiye mu bikorwa by’ubucuruzi.

Related Articles

Leave a Reply

Your email address will not be published.

Back to top button