AmakuruMU MAHANGAPOLITIKI

Perezida Kagame yagiranye Ikiganiro na Minisitiri w’Intebe w’u Bwongereza

Kuri uyu Kabiri tariki 19 Mata 2022 nibwo Paul Kagame yagiranye ikiganiro na Minisitiri w’Intebe w’u Bwongereza Boris Johnson kuri telefone, abayobozi bombi bongera gushimangira gushyira mu bikorwa ubufatanye hagati y’ibihugu byombi, mu rwego rwo gukemure ikibazo cy’abimukira.

Nyuma y’iki kiganiro nibwo hahise hatangazwa itangazo igitaraganya na 10 Downing Street, Ibiro bya Minisitiri w’Intebe w’u Bwongereza, rivuga ko Perezida Kagame na Minisitiri w’Intebe Johnson, ikiganiro bagiranye cyibanze ku bufatanye buherutse gutangazwa mu cyumweru gishize, aho u Bwongereza buzohereza mu Rwanda abasaba ubuhungiro mu rwego rwo gukumira ikibazo cy’ubuhunzi bw’abantu cyugarije isi.

Riravuga riti “Minisitiri w’Intebe yashimiye Perezida Kagame ku bw’igihugu cye cyiyemeje gukemura ikibazo cyugarije isi yose cy’ubwimukira mu buryo butemewe, binyuze mu bufatanye mu by’abimukira n’iterambere ry’ubukungu.”

Muri iri tangazo niho Minisitiri w’Intebe, Boris, yanagaragaje ko u Bwongereza bushyigikira Ukraine ndetse ko hakenewe ubufatanye mpuzamahanga mu kurwanya igitero cy’u Burusiya kuri Ukraine nkuko KT Press ibitangaza dukesha iyi nkuru.

Abayobozi bombi bategerezanyije amatsiko inama y’Abakuru b’ibihugu na za Guverinoma bo mu muryango wa Commonwealth izateranira i Kigali mu Rwanda, muri Kamena uyu mwaka nkuko bigaragara muri iki kiganiro

Yanditswe na Dushimimana Elias

Related Articles

Leave a Reply

Your email address will not be published.

Back to top button