AmakuruMU MAHANGAPOLITIKI

Perezida Félix Tshisekedi yakiriye Perezida Kagame kuri Palais de la Nation i Kinshasa

Perezida Kagame yageze i Kinshasa aho yakiriwe na Minisitiri w’Intebe Jean-Michel Sama Lukonde.

Perezida Kagame yifatanyije n’abakuru b’ibihugu na za guverinoma baturutse muri Afurika mu Nama yiga ku kuba umugabo ufite imyitwarire idahohotera abagore n’abakobwa. Iyi Nama yakiriwe na Perezida Félix Tshisekedi, akaba n’Umukuru w’Umuryango wa Afurika Yunze Ubumwe.

Perezida Félix Tshisekedi yakiriye Perezida Kagame kuri Palais de la Nation i Kinshasa kugira ngo bagirane ibiganiro mbere y’Inama yiga ku gukangurira abagabo kugira imyitwarire idahohotera abagore n’abakobwa.

Perezida Kagame yifatanyije na ba Perezida Nana Akufo Addo wa Ghana, Macky Sall wa Senegal, Denis Sassou-Nguesso wa Repubulika ya Kongo, na Faure Gnassingbé wa Togo bari i Kinshasa mu Nama yo gukangurira abagabo kugira imyitwarire idahohotera abagore n’abakobwa yateguwe na Perezida Félix Tshisekedi wa Repubulika Iharanira Demokarasi ya Kongo.

Perezida Kagame yagiranye ibiganiro na Perezida Faure Gnassingbé wa Togo mbere y’Inama yiga ku gukangurira abagabo kugira imyifatire idahohotera abagore n’abakobwa.

“Ndashimira Perezida Tshisekedi ku butumire bwo kwitabira iyi Nama ikomeye ku bijyanye n’uburinganire, ihohoterwa rikorerwa abagore n’abakobwa ndetse n’uruhare rw’abagabo mu kugira ngo ihohoterwa rikorerwa abagore n’abakobwa riveho.

Afurika izabigiramo uruhare. Ariko nanone icy’ingenzi ni ibiganiro tugirana buri gihe ku bufatanye bw’ibihugu byombi bifite akamaro ku mahoro, iterambere, n’umutekano atari ku bihugu byacu gusa ahubwo no mu karere ndetse no hanze yako. Ubu butumire n’iyi Nama biziye igihe kugira ngo twongere tuganire ku bufatanye hagati y’ibihugu byacu, Repubulika Iharanira Demokarasi ya Kongo n’u Rwanda, nk’abavandimwe.”

Uburinganire burenze kuba inshingano, ni uburenganzira budashobora gukurwaho. Tugomba kwiyemeza guhangana n’imyumvire mibi ikiri mu bagabo no mu bahungu bamwe na bamwe bafata guhohotera abagore n’abakobwa nk’ibisanzwe. Nidukorera hamwe, tuzarandura iki cyorezo. ” Perezida Kagame.

Related Articles

Leave a Reply

Your email address will not be published.

Back to top button