AmakuruMU MAHANGAPOLITIKI

Paul Kagame yitabiriye ibirori by’isabukuru y’imyaka 60 y’ubwigenge bw’Igihugu cya Tanzaniya

Perezida Kagame yageze i Dar es Salaam aho yakiriwe na Minisitiri w’Itegeko Nshinga n’andi Mategeko muri Tanzaniya, Prof. Palamagamba John Kabudi mbere y’ibirori byo kwizihiza Isabukuru y’Imyaka 60 y’Ubwigenge bwa Tanzaniya.

 

 

Perezida Kagame yageze kuri Stade Uhuru i Dar es Salaam aho yifatanije na Perezida Samia Suluhu Hassan hamwe n’ibihumbi by’Abanyatanzaniya mu birori byo kwizihiza Isabukuru ya 60 y’Ubwigenge.

 

 

Perezida wa Repubulika Paul Kagame yifatanije na Perezida Samia Suluhu Hassan n’abandi banyacyubahiro mu kwizihiza isabukuru y’imyaka 60 igihugu cya Tanzania kimaze kibonye ubwigenge.

 

 

Ni rwo ruzinduko rwa mbere, Perezida Kagame agiriye muri Tanzania, kuva Samia Suluhu Hassan yaba Perezida w’icyo gihugu asimbuye John Pombe Magufuli witabye Imana mu kwezi kwa gatatu uyu mwaka.

Uru ruzinduko rwa Perezida Kagame ruje rukurikira urwo mugenzi we Samia Suluhu Hassan yagiriye mu Rwanda mu ntangiriro z’ukwezi kwa munani uyu mwaka.

Perezida Kagame nyuma yitabiriye, binyuze mu ikoranabuhanga, ikiganiro ku guharanira ko Abana bose bagana inzira y’ishuri mu Nama yiswe #WISESummit 2021. Iyi Nama ni gahunda yatangijwe na Qatar Foundation iyobowe na HH Sheikha Moza bint Nasser, nkuko byatangajwe n’imbuga nkoranyambaga Nyakubahwa Perezida w’u Rwanda akoresha.

Related Articles

Leave a Reply

Your email address will not be published.

Back to top button