IMIKINO

Mutsinzi Ange wakiniraga APR FC yamaze kwerekeza mu ikipe ya CD Trofense

Myugariro w’imyaka 23 y’amavuko wakiniraga ikipe ya APR FC yamaze kwerekeza mu ikipe ya CD Trofense yo mu cyiciro cya kabiri mu gihugu cya Portugal (Segunda Division) ni ikipe ikinira kuri stade yitwa Estádio do Clube Desportivo Trofense ifite ubushobozi bwo kwakira abantu 5000 bicaye neza uwo ntawundi ni Mutsinzi Ange Jimmy.

Ni amakuru yacicikanye kare ku mbuga nkoranyambaga ariko biza kurangira uwo musore nawe abyiyemereye anyuze ku rukuta rwe rwa Facebook na Instagram mu butumwa yanditse ashimira ikipe ya APR FC.

Muri ubwo butumwa yagize ati “Mfashe umwanya wo gushimira amahirwe adasanzwe n’umwanya nahawe n’ikipe ya APR FC mu myaka ibiri ishize ndi umukinyi wayo.

By’umwihariko ndashimira ubuyobozi bwa Equipe kubw’ urukundo mwangararagarije mugihe tumaranye, Ndashimira cyane abatoza bamfashije umunsi k’uwundi bakangirira  icyizere cyo gukina, Ndashimira cyane abakinnyi bagenzi banjye twabanye mugihe narimaze muri APR FC tukayihesha ibikombe.

Ndangije  nshimira byimazeyo abafana ba APR FC  urukundo mwanyeretse.

Nkaba nagira ngo menyeshe abakunzi banjye bose ko ngiye gukomereza akazi muri @cdtrofense”.

Uyu musore uvuka mu Byimana mu karere ka Ruhango yamenyekanye cyane ari mu ikipe ya AS Muhanga ubwo iyo kipe yari ifite abakinnyi bakiri bato ariko bafite impano, yaje kwerekeza muri Rayon Sport mu mwaka wa 2017 ubwo yari ataranasoza amashuri yisumbuye ndetse yari mu bakinnyi bafashije iyo kipe kugera muri 1/4 cya Caf Confederation Cup.

Nyuma yo kwegukana igikombe cya Shampiyona na Rayon Sports uyu musore yaje kwerekeza muri APR FC ari nayo avuyemo yerekeza ku mugabane w’i Bulayi akaba yarafashije iyi kipe y’ingabo z’u Rwanda kwegukana ibikombe bibiri byikurikiranya idatsinzwe umukino numwe.

Ni umukinnyi wa gatatu usohotse mu ikipe ya APR FC yerekeza hanze y’u Rwanda nyuma ya Manzi Thierry werekeje mu gihugu cya Georgie ndetse na Imanishimwe Emmanuel uzwi nka Mangwende waguzwe n’ikipe ya FAR Rabat yo mu gihugu cya Maroc.

Related Articles

Leave a Reply

Your email address will not be published.

Back to top button