POLITIKI

MINEDUC yashyize ahagaragara ingengabihe y’umwaka w’amashuri 2021-2022

Minisiteri y’uburezi mu Rwanda yashyize ahagaragara ingengabihe y’itangira ry’amashuri ku mashuri abanza, ayisumbuye ndetse n’ayubumenyingiro azwi nka TVETS nyuma yo kubasha gusoza neza umwaka ushize w’amashuri wari wadindijwe na Covid-19 yatumye abana bamara igihe gisaga amezi 8 batajya kwiga ndetse bikaviramo bamwe kudindira mu myigire yabo dore ko bisa naho umwaka wa 2020 wabaye imfabusa ku burezi.

Mu itangazo Mineduc yanyujije kuri twitter yatangaje ko umwaka w’amashuri wa 2021/22 uzatangira tariki 11 Ukwakira uyu mwaka turimo igihembwe cya mbere kikazasozwa tariki 24 Ukuboza umunsi umwe mbere ya Noheli, ni mu gihe kandi ikiruhuko cy’igihembwe cya mbere kizarangira tariki ya 9 Mutarama 2022.

Igihembwe cya kabiri kikazatangira tariki 10 Mutarama kigasozwa kuya 31 Werurwe, ikiruhuko cy’icyo gihembwe cya kabiri kikazagira ibyumweru bisaga 12, ikiruhuko cyacyo kikazaba ari ibyumweru bitatu dore ko kizasozwa kuya 17 Mata 2022.

                                   Ingengabihe y’umwaka w’amashuri 2021/2022.

Igihembwe cya gatatu biteganyijwe ko kizatangira tariki 18 Mata 2022 kigasozwa kuya 15 Nyakanga umwaka utaha kikazaba kigizwe n’ibyumweru 13 aho abanyeshuri bazkora ibizamini bya leta nabo bahise batangarizwa igihe bazakorera ibyo bizamini nkuko bigaragara kuri iryo tangazo rya Mineduc.

Ibizamini bya leta bisoza amashuri abanza bizakorwa hagati ya taliki 18 Nyakanga kugeza kuya 20 Nyakanga 2022, mu gihe abiga mumashuri yisumbuye mu byiciro byose ni ukuvuga icyiciro rusange (Ordinary Level) n’abasoza amashuri yisumbuye ( Advanced Level) ndetse n’abiga ubumenyingiro bazatangira ibizamini bya leta tariki  26 Nyakanga 2020 bakabisoza tariki 5 Kanama 2022.

Iyi ngengabihe ya Minisiteri y’uburezi irerekana ko umwaka w’amashuri ushobora kuguma mu kwezi kwa cyenda aho gusubira mu kwezi kwa mbere nubwo byabaye nk’ibitungurana kubera icyorezo cya Covid-19 cyabangamiye isozwa ry’umwaka w’amashuri wa 2020.

Icyorezo cya Covid-19 cyakomye mu nkokora uburezi.

Hari ingingo nyinshi zakomeje kuvugwaho ku birebana n’ihindurwa ry’igihe cy’itangira ry’amashuri aho benshi mu barezi ndetse n’abanyeshuri bavugaga ko babangamirwa no kwiga mu gihe cy’impeshyi kubera ubushyuhe buba buhari bibangamira imyigire.

Related Articles

Leave a Reply

Your email address will not be published.

Back to top button