IMYIDAGADURO

Mbanda yasezeye muri the Mane

Umuhanzi ukizamuka muri muzika nyarwanda witwa Calvin Mbanda yamaze gusezera muri The Mane isa nkaho iri mu marembera,nyuma yuko bagenzi be Safi, Queen Cha na Marina nabo batandukanye niyo nzu isanzwe ifasha abahanzi mu bijyanye n’umwuga wabo.

Igihe yashyiraga hanze indirimbo ye nshya yitwa Fina nibwo aya makuru yamenyekanye dore ko yavuze ko ubu icyo agamije ari ugutera imbere nk’umuhanzi wigenga ku giti cye, “Ati: Kugeza ubu ndibanda gusa ku kuzamura umwuga wanjye mpa indirimbo nyinshi abakunzi ba muzika. Nicyo kintu cyonyine mumitekerereze yanjye kandi nibanze, nzi neza ko nzagera kuntego zanjye,”.

Uyu muhanzi yagaragaye bwa mbere mu muziki ku rwego rwo hejuru mu gihe The Mane yashyiraga ahagaragara indirimbo yayo ya mbere yari ihuriyemo abahanzi benshi yitwa nari High.

Umuhanzi Mbanda Calvin niwe wari usigaye muri The Mane.

Mu ndirimbo ye nshya Fina nta kigaragaza ko akiri umuhanzi wa The Mane ahubwo ibikorwa byinshi bimwerekana nk’umuhanzi ku giti cye.

The Mane isanzwe ari iya Ramadhan Mumpende uzwi nka Badrama kuri ubu usigaye wibera muri Leta zunze ubumwe z’amerika akaba yarayisigiye murumuna we witwa Safi Eric watangarije itangazamakuru ko Badrama yari yaramubwiye ko Mbanda yemerewe gukorana na Label yifuza igihe cyose.

Mbanda kuri ubu afite indirimbo ze bwite eshatu arizo Aye,All I need ndetse niyitwa Aba People.

Related Articles

Leave a Reply

Your email address will not be published.

Back to top button