AmakuruIMIKINO

Mashami Vincent yamaganiye kure ibyo kwegura

Umutoza w’ikipe y’igihugu Amavubi Vincent Mashami nyuma yo gutsindwa umukino u Rwanda rwahuragamo na Uganda Cranes ya Uganda yatangarije abanyamakuru ko adafite gahunda yo kwegura ko atariwo muti w’ikibazo cy’intsinzwi zugarije Amavubi.

Ibi uyu mutoza yabitangarije mu kiganiro n’abanyamakuru cyabaye nyuma y’umukino aho hari umunyamakuru wamubajije niba yaba atekereza ibyo kwegura kuko bitari mu masezerano ye.

Uyu mutoza umaze imyaka itatu atoza Amavubi aho agenda yongererwa amasezerano y’umwaka umwe, ni umutoza wagiye ugerageza kwitwara neza mu marushanwa ya Chan ariko ku bijyanye na Senior Team nta musaruro uhambaye arigera atanga ndetse benshi bakaba batakifuza kumubona atoza ikipe y’igihugu.

Mashami Vincent avuga ko adateganya kwegura

Mashami asubiza abanyamakuru ku bijyanye no kwegura nta gihunga yabasubije ko nta gahunda yo kwegura afite ndetse ntaniyo yigeze agira kubera ko ataricyo kibazo Amavubi afite dore ko aba yahamagaye abakinnyi bose kandi ibijyanye no kwegura bitari mu masezerano ye.

Mashami asanzwe yungirijwe na Kirasa Alain na Habimana Sosthene uzwi nka Lumumba mu gihe umutoza w’abazamu ari Thomas Higiro aba bose mu mboni z’abanyarwanda benshi bakwiye kuva mu ikipe y’igihugu ku bushake cyangwa bakeguzwa.

Mashami Vincent yongerewe amasezerano muri Gashyantare uyu mwaka nyuma yo kwitwara neza mu marushanwa ya Chan yaberaga mu gihugu cya Cameroon aho u Rwanda rwageze muri 1/4.

Related Articles

Leave a Reply

Your email address will not be published.

Back to top button