IMIKINO

Lague Byiringiro ashobora kumara hanze igihe kinini

Nyuma yo kugirira ikibazo mu mukino ikipe y’igihugu yahuragamo na Harambe Stars, Byiringiro Lague biravugwa ko ashobora kumara igihe kinini adakina kubera imvune yakuye muri uwo mukino wabye ku cyumweru aho Amavubi yanganyije na Harambe Stars 1-1.

Uyu musore usanzwe akina mu ikipe y’ingabo z’igihugu byatangajwe ko azamenya igihe azongera gukorera ku mupira nyuma y’ibyumweru bitatu nyuma y’ibizamini azaba yakorewe n’abaganga igihe azaba amaze gucishwa mu cyuma kugirango harebwe niba nta bindi bibazo afite.

Byiringiro Lague yagiriye ikibazo cyo mu mutwe ubwo kipe y’igihugu Amavubi yakinaga n’ikipe y’igihugu ya Kenya yaje gukurwa mu kibuga ajyanwa wa muganga acishijwe mu cyuma basanga yagize ikibazo mu mutwe abwirwa ko azagaruka nyuma y’ibyumweru bitatu bakareba uko ameze akaba ari nabwo azamenya igihe azamara adakina.

                                 Byiringiro Lague yagiriye ikibazo mu mukino u Rwanda rwahuyemo na Kenya.

Lague akaba yiyongereye kuri Ruboneka Bosco bombi bakaba batazagaragara mu mikino ya CAF Champions League ikipe ya APR FC izakina na Mogadishu City Club yo muri Somalia uzaba tariki 12 Nzeri.

Uyu musore wari umazeiminsi ari mu igeragezwa ku mugabane w’i bulayi mu gihugu cy’ubusuwisi nubwo bitigeze bigenda neza ngo abashe kugumayo dore ko ubwe yitangarije ko yatsinzwe igeragezwa agahita agaruka mu Rwanda kugirango akomezanye n’ikipe ye ya APR FC mu kwitegura imikino ya CAF Champions Leagues.

Uyu musore uvuka ku Kimisagara yazamukiye mu makipe atandukanye arimo Esperance na Vision akaba yaraje no kunyura mu ikipe y’Intare isanzwe inyurwamo n’abakinnyi bavuye mu ishuri ryigisha umupira rya APR FC ryitwa APR FA, yabengutswe n’amakipe menshi ubwo yigaragazaga mu mikino ya Chan yabereye mu gihugu cya Cameroon muri Mutarama uyu mwaka.

Related Articles

Leave a Reply

Your email address will not be published.

Back to top button