AmakuruIMIKINO

Jean Luc Imfurayacu: Ibintu 10 Nabonye Kuri Classico y’u Rwanda Kuri Uyu wa Kabiri

Jean Luc Imfurayacu twavuga ko Ari Umunyamakuru w'Imikino ubirambyemo nk'inararibonye by'Umwihariko mu mikino Nyarwanda twasuye imbuga nkoranyambaga akoresha nka Facebook tuhasanga ubu busesenguzi bukurikira;

1. Umupira mwiza Hagati y’amakipe yombi.

Kenshi ntabwo Classico y’u Rwanda ikunda kugira umukino mwiza.. Kuri uyu wa 2 bitandukanye n’imikino iheruka, twabonye umukino mwiza.

2. APR FC ni ikipe nziza, Rayon Sports ifite abakinnyi beza bataragira ikipe:

Wabyumva ni umwaka wa 3 wa Adil, Massoud Djuma ari gushakisha ikipe nziza. Abakinnyi Rayon Sports uyu munsi 11 yabanje mu kibuga, bwari u bwa mbere bakinanye uko batangiye.

Adil Mohamed n’ubwo yatakaje abakinnyi b’ingenzi umwaka ushize, ntabwo uyu mwaka byamukoze mu nkokora.

3. Akaboko k’Umutosa Adil Karagaragara:

Abakinnyi APR FC ifite ntabwo ari abamazina ahambaye, ariko uko bahuza umukino mu kibuga, ni intwaro ikomeye kuri iyi kipe y’ingabo z’igihugu. Pressing yabo iri hejuru cyane, batsinze ibitego 2 bimeze nk’impano ahanini kubera igitutu botsa uwo bahanganye bataruhuka.

4. ONANA na YOUSSEF ni ABAKINNYI BEZA: Youssef Rharb na Onana Essomba

Ni abakinnyi beza cyane. Imikino 2 ya Gicuti Onana yakinnye akiza mu Rwanda yahise yerekana ko ari ku rwego rwiza, afite finissage iri hejuru cyane, yongeye kubyerekana uyu munsi atsinda igitego cyiza. Youssef mubona bwa mbere akina na AS Kigali nanditse aha ko azaha akazi ba myugariro bo mu Rwanda, uyu munsi yerekanye ko Techniquement ari ku rundi rwego.

5. Djabel yazamuye Urwego Cyane :

Djabel ari gukina umupira wo ku rwego rwo hejuru. Ni we Chef d’Orchestre w’ikipe y’ingabo z’igihugu. Buretse kurema uburyo butanga ibitego no gutanga imipira ivamo ibitego, ubu asigaye anatsinda kenshi. Amaze imyaka 2 ari gukina neza.

6. Rayon sports iracyafite Ikibazo ku Mpande inyuma:

Massoud Djuma uyu mwaka bizamugora ku mikino ikomeye, abakinnyi be b’inyuma ku mpande ntabwo ari byinshi bazamufasha. Uyu munsi bagowe cyane, banashyira ikipe yabo mu bibazo.

7. Imisifurire:

Bwari u bwa mbere abasifuzi 3 bayoboye uyu mukino, bakoranye kuri iyi match. Nsoro RUZINDANA na bagenzi be, bahakuye amanota meza.

8. Igaruka ry’Abafana ku bibuga:

Umwaka n’amezi 8 birashoze COVID19 ikomye mu nkokora imikino, biviramo abafana gihagarikwa ku kibuga. N’ubwo abafana bagisabwa kwipimisha kugira ngo binjire ku bibuga, ariko ejo byasaga neza kubona abantu kuri Stade (Yenda kuzura.)

9. Rayon Sports ikeneye Umuzamu:

Imipira 3 APR FC yateye mu izamu imipira 2 yavuyemo ibitego. Ibitego 3 biheruka Rayon Sports yatsinzwe na mbere y’uyu mukino, (Rutsiro 2) na Bugesera (1) abazamu birashoboka ko bari kugira icyo bakoraho. GUTWARA IGIKOMBE BISABA UMUZAMU MWIZA.
10. Imikino 40 APR FC idatsindwa:

Izahagarikwa na nde hano mu Rwanda ko mukeba wajyaga ayishobora bamutsinze 3 gakurikiranye?

Yasoje atumira abamukurikira kugira uruhare mu biganiro bya B&B FM-Umwezi 95.3 FM.

Related Articles

Leave a Reply

Your email address will not be published.

Back to top button