IMIKINO

Jado Castar yatawe muri yombi

Urwego rw’igihugu rw’ubugenzacyaha RIB rwatangaje ko rwataye muri yombi Bagirishya Jean de Dieu usanzwe uzwi nka Jado Castar akaba ari Visi Perezida wa kabiri ushinzwe amarushanwa  w’ishyirahamwe ry’umukino wa Volleyball mu Rwanda FRVB, akaba yatawe muri yombi mu iperereza rigikomeje ku byatumye u Rwanda rusezererwa mu marushanwa nyafurika yari amze iminsi ari kubera mu Rwanda.

Umuvugizi wa RIB, Dr. Thierry B. Murangira, yemereye  KT Press dukesha iyi nkuru ko Bagirishya, usanzwe ari umunyamakuru wa siporo w’inararibonye akaba yaranahoze akina akanatoza  volleyball, akekwaho gukoresha inyandiko mpimbano mu gukora imirimo ashinzwe, Dr. Murangira yavuze ko “iperereza rikomeje kugirango hazabashe abandi bafite  uruhare rw’abandi bari mw’ishyirahamwe rya Volleyball mu Rwanda.

RIB ivuga ko hari n’abandi bakomeje kubazwa kugirango ukuri kujye ahagaragara ku byatumye ikipe y’u Rwanda ikurwamo mu gihe yari yaramaze kubona itike ya 1/2, nyuma umukino ukaza guhagarikwa nyuma rero y’iminsi igera kuri itatu nta gitangazwa nibwo byamenyekanye ko ikipe y’u Rwanda yakuwe mu irushanwa.

Hari andi makuru RIB yavuze ko iri gukurikirana ku byavuzwe ko umutoza wa Nigeria yaba yaratewe ubwoba nyuma yo gutanga ikirego ku buryo ibizava mu iperereza bizamenyekana mu minsi iri imbere.

Nyuma yuko FIVB itegetse ko u Rwanda rugomba gukurwa muri aya marushanwa minisiteri ya Siporo niyo yahise ikurikirana ibyerekeranye n’amarushanwa kugeza ashojwe kuri iki cyumweru aho ikipe ya Cameroun ariyo yaje kwegukana iryo rushanwa nyuma yo gutsinda  Kenya amaseti 3-1.

Related Articles

Leave a Reply

Your email address will not be published.

Back to top button