AmakuruSHOW BUZZ

Intore Massamba Icyogere mu nkuba yasinyanye amasezerano na Engen agamije kwamamaza ibikorwa byayo

Intore Masamba yasinyanye na Engen kwamamaza ibikorwa byayo ndetse nayo imwemerera kumutera inkunga mu bikora bye

Umuhanzi, umwanditsi ndetse akaba n’umuririmbi Masamba Butera uzwi nka Masamba Intore yagiranye ubufatanye na Sosiyete ya Vivo Energy Rwanda icuruza ibikomoka kuri Peteroli binyuze muri Engen.

Ni amasezerano yasinywe n’impande zombi azafasha Engen kwamamarizwa ibikorwa byayo byose n’uyu muhanzi, ibyo bikorwa bikaba bigizwe no kumenyekanisha ibikomoka kuri Peteroli, amavuta y’imodoka ndetse n’ahantu hogerezwa imodoka hateguwe na Engen.

Ku ruhande rw’umuhanzi Masamba we azafashwa na Engen gutegura ibitaramo ndetse n’ibindi bikorwa bya buri munsi umuhanzi akenera, ariko ku ikubitiro Masamba we azabanza abakorere indirimbo yamamaza ibikorwa by’iyo sitasiyo.

Amasezerano yasinywe hagati y’impande zombi afite agaciro k’umwaka umwe ariko kandi nyuma y’ibiganiro bizahuza impande zombi ngo ashobora kandi kuba yakongerwa.

Kuri ubu ku bakiliya b’ibikorwa bya Sosiyete ya Vivo Energy Rwanda bashyiriweho poromosiyo yaho ugize icyo akoresha kuri iyo sitasiyo ashobora kujya mu banyamahirwe bashobora gutombola Moto, Televiziyo cyangwa se imodoka nk’igihembo nyamukuru.

Vivo Energy yatangiye gukorera mu Rwanda guhera muri Werurwe 2019, iyi sosiyete kandi ikaba inakorera ibikorwa byayo hirya no hino ku mugabana wa Afurika

Reba hano indirimbo nshya ya Masamba yise Berenadeta:

Related Articles

Leave a Reply

Your email address will not be published.

Back to top button