AmakuruMU MAHANGAPOLITIKI

Ingabo za Uganda Zizamara muri Kongo-Kinshasa Igihe Kingana Iki? – Perezida Félix Antoine Tshisekedi Tshilombo

Ibiro ntaramakuru by’abongereza Reuters bivuga ko Perezida wa Repubulika iharanira demokarasi ya Congo yamenyesheje abanyekongo ko ingabo za Uganda byanze bikunze zifite igihe ntarengwa zizaba zavuye ku butaka bwa Kongo

Tubibutse ko Abasirikare ba Uganda, UPDF n’aba DR Congo bamaze ibyumweru bibiri bavuga ko bari mu ntambara yo kurandura burundu Umutwe uhabarizwa witwa ADF (Allied Democratic Forces).

Ibitero by’ibisasu byatewe mu mujyi wa Kampala muri Uganda bigaterwa ahantu hatandukanye bivugwa ko aribyo byakorombereje Ubutegetsi bwa Uganda maze igategura ibitero karundura birimo ibisasu bya rutura ikabitunga umutwe wa  ADF muri Kongo, abantu ntabwo bavuze rumwe ku iraswa rya ADF kuko hasotse amashusho agaragaza ibisasu bya rutura biraswa cyane aho umwanzi ari ariko ntihatangajwe umubare n’aho byahitanye kuburyo bamwe bavuze ko ari bya bindi byo guhabya adiveriseri (Adversary/Uwo muhanganye)

Umunyamakuru Andrew Mwenda

Ntabwo abasesenguzi batuje twavuga nka Andrew Mwenda umujyanama wa Perezida Museveni akaba n’Umuyobozi w’ikinyamakuru The independent kuko yavuze ko biriya UPDF ya Museveni yakoze byari ukwereka u Rwanda ko ikomeye ndetse igamije gucecekesha kurucecekesha akaba yarabivuze mu rurimi rw’icyongereza “UPDF is not just fighting ADF a light infantry fighting force but actually doing military drills sending a message to potential adversaries of Uganda about our military might, combat size and destructive capabilities of our Military equipment; That adversary is Rwanda”.

Ntabwo Mwenda yatanze ibyo bitekerezo gusa kuko ahubwo yanavuze ko Congo ari igihugu kibitseho ubukungu bwinshi burimo amabuye y’agaciro atabarika ndetse n’imbaho z’agahebuzo ko Uganda yasimbuka igashituraho ikagaruka dore ko ngo n’agato kava ku iguye.

Bamwe mu banyarwanda basesengura Politike nka Nkaka Damien  batangarije Ikinyamakuru Imitari ko ibikorwa Uganda yakora ibyo ari byo byose kurasa ku Rwanda byo bitarimo kuko bazi aho intambara yarangirira ihereye k’uwayishoje ikamanukira k’uwayirwanye, ikindi yavuze ko kwerekana ibibunda bya rutura atari ko kuvuga ko urusha abandi ubwo bushobozi, cyane ko icya mbere ari amakuru, yakomeje avuga ko iyo wabashije kumenya amakuru y’Umwanzi ukurwanya umenya n’Uburyo bwo kumuca intege utaniriwe utanga abagabo

Nkaka Damien ni Umunyarwanda uba muri Canada utihanganira uwo ari we wese wifuriza inabi u Rwanda

Nkaka Damien aganira n’ikinyamakuru Imitari yagarutse ku ngaruka zabaho mu gihe Uganda yasiga ibikoresho muri Kongo ibisigiye Umwanzi urwanya u Rwanda, Uganda ishyigikira cyane cyane nk’imitwe y’iterabwoba nka  RUD-Urunana,RNC ya Kayumba Nyamwasa na FDLR (Ingero zirahari z’ibitero n’abantu benshi bagiye bagaragaza ko bakorana bya hafi na Leta ya Uganda barimo Amb. Charlotte Mukankusi wakoreshaga urwandiko rw’inzira rwa Uganda akaba yarakiriwe kwa Museveni ari kumwe na Gasana Richard Eugene ndetse na Museveni akabyiyemerera) Nkaka avuga ko nta gihindutse u Rwanda azi rutakwihanganira ibyo ko ahubwo rwahita rugirana imikoranire isanzwe na Leta ya Kongo-Kinshasa maze bakarandura umwanzi bamuhereye mu mizi, dore ko ubwo bufatanye butaba ari ubwa none.

Perezida Félix Antoine Tshisekedi Tshilombo kuva yajya k’ubutegetsi agatangira kuyobora Repubulika iharanira demokarasi ya Kongo kuwa 25 Mutarama 2019 yagaragarije u Rwanda ko Umubano mwiza ari wo yimirije imbere kandi ibikorwa byiza tubibutse ko umutwe udasanzwe w’ingabo za DRC wagiye wivugana bamwe mu bari bagize imitwe yarwanyaga ubutegetsi bw’u Rwanda

Nkuko BBC na Reuters babitangaza bavuga ko hari impungenge muri RD Congo kubera ko igihe ingabo za Uganda zaheruka muri icyo gihugu, zagirijwe ubusuma no gusinzikaza agateka ka zina muntu (bakoze ibikorwa bihungabanya uburenganzira bwa muntu).

Reuters ivuga ko igihe Perezida wa Congo Felix Tshisekedi yashyikirizaga ijambo abenegihugu yagize ati: “Muhumure Nzakora uko nshoboye kugira ingabo za Uganda ku butaka bwacu zihamare igihe gikenewe kandi gikwiye.”

Ku ruhande rwa Uganda, Uganda yavuze ko ishobora kuguma muri RD Congo igihe gikenewe cyo kubanza kurimbura  ADF, nk’uko bivugwa na Reuters.

Amagana y’abasirikare barwanira ku butaka, ibimodoka bitamenwa hamwe n’imizinga iremereye (tanks/chars de combat) byaragaragaye byambuka umupaka bigana Kongo

Major General Kayanja Muhanga, umugaba w’ingabo za Uganda yavuze ko icyo gikorwa kizakomeza gukurikiranwa ndetse hagatangazwa amakuru buri by’umweru bibiri kugirango bagaragaze aho igikorwa cyo guca intege ADF kigeze

Uganda ishinja ADF gukorana na Islamic State, kugaba urukurikirane rw’ibitero by’ibisasu mu murwa mukuru Kampala no mu nkengero zawo

 

Bivugwa ko ibyo bitero by’ibisasu byaturikijwe n’abiyahuzi, byahitanye abantu bane abandi benshi barakomereka.

ADF ni umutwe w’abarwanyi washingiwe muri Uganda, umaze imyaka irenga makumyabiri ukorera mu burasirazuba bwa Kongo.

Related Articles

Leave a Reply

Your email address will not be published.

Back to top button