AmakuruAMATEKAPOLITIKI

Hon. Tito Rutaremara Yagaragaje Uko Amasezerano ya Arusha Yavutse (Igice cya Mbere)

Tubanje kubanyuriramo amateka ye, Inararibonye Muzehe Tito Rutaremara yavutse mu mwaka w’1944, ni umunyarwanda w’umunyapolitiki, Tito Rutaremara yize amashuri abanza n’ayisumbuye mu Rwanda, yiga icyiciro cya kabiri cya Kaminuza mu gihugu cya Uganda. Rutaremara afite impamyabumenyi y’ikirenga mu ubumenyi bw’isi, ndetse ni mpamyabumenyi ihanitse mu bijyanye no gutegura imijyi n’ibyaro yakuye mu gihugu cy’Ubufaransa

Tito Rutaremara yabaye umunyamabanga w’Umuryango Rwandase Patriotic Front (RPF) kuva mu mwaka wa 1987 kugera 1993. Kuva kandi mu 1994 kugera 2000 yari mu bari bagize inteko y’inzibacyuho. Muzehe Rutaremara kandi yanayoboye komisiyo yari ishinzwe itegeko nshinga n’andi mategeko kuva mu mwaka wa 2000 kugera mu 2003.

Kuva mu mwaka wa 2003 kugera mu 2011, Rutaremara yabaye umuvunyi mukuru. Nyakubahwa Perezida wa Rebulika y’u Rwanda yashyize Tito Rutaremara mu nteko ishinga amategeko umutwe wa sena mu Ukwakira 2011. Kuva mu mwaka 2019 Rutaremara ni umuyobozi w’inama ngishwanama y’inararibonye aho yasimbuye Iyamuremye Augustin

Impamvu kumenya muri make uwo Tito Rutaremara ari we twagirango Ubutumwa yatanze bufatwe nk’inkuru ya Nyayo imuturutseho kandi ihabwe agaciro, Turabararikira ibiganiro bye azajya ashyira ku Mbuga nkoranyambaga cyane cyane Twitter amaze iminsi akoresha

Iyi nkuru yavanywe ku rudodo (Threads) rwa Twitter ni iyi ikurikira;

Perezida Museveni yari yaremereye Perezida Habyarimana ko nta bantu bazatera Igihugu cye baturutse Uganda

Taliki ya 01.10.1990 Inkotanyi zateye u Rwanda ziturutse Uganda , icyo gihe Museveni na Habyarimana ntabwo bari bahari bari New York mu Nama, Kuri uwo munsi Mugisha Muntu wari Army Commander wa Uganda yabwiye Museveni kuri Phone ko abanyarwanda bateye u Rwanda

Muri iryo joro Museveni ahamagara Habyarimana ajya ku mureba ngo baganire kuri icyo kibazo , Museveni yemerera Habyarimana gufungira amayira abanyarwanda bose bava Uganda ndetse yumvikana nawe ko abazajya bava mu Rwanda ko azajya abafata akabafunga, Museveni yasabye Habyarimana ko abageze mu Rwanda yabarwanya gusa amubwira ko abagiye mu Rwanda ari indwanyi icyaba cyiza ari uko yakumvikana nabo
Museveni avugisha Army commander we amusaba ko ahagarika abanyarwanda bajyaga ku rugamba kandi hashakwe abayobozi babo bafungwe , uwo mwanzuro watumye abanyarwanda batatanira hirya ni hino bamwe barafungwa abandi barihisha, Bucyeye Habyarimana arataha inama itarangiye aca mu Bubiligi no Bufaransa gusaba inkunga, ageze ku kibuga cy’indenge cy’ububiligi abanyamakuru bamubajije uwateye igihugu cye abasubiza ko ari Uganda, ibyo birakaza Museveni kuko Habyarimana yari yishe amasezerano bari bagiranye . Museveni yahise asaba ko bambura abanyarwanda imbunda n’imyenda ya gisirikare bya Uganda ubundi bakabareka bagataha iwabo.
Muri iyo ntambara abazayirwa , Ababiligi n’Abafaransa batabaye ingabo za Habyarimana baza kurwana barwanya Inkotanyi , Abazayirwa bagenda basahura bakagenda bikoreye ibyo basahuye ibinyamakuru byo ku isi birabyerekana, Government y’Ababiligi yicyo gihe yarigizwe n’amashyaka 5 , ishyaka rimwe ryasabye ko ingabo zabo ziva mu Rwanda ku ruhande Abazayirwa bariho bagaragaza ko mu gihe ingabo zabo zaba zitavuyeyo bava muri government, leta y’Ababiligi igira ubwoba ko byasenya Gov. yabo itangira gutekereza uko bakemura icyo kibazo PM , Defense Minister, na Mister of Foreign Affairs b’Ababiligi bahise baza muri Afurika bakirwa na Tanzania bajya kureba Habyarimana na Museveni.
Perezida wa Tanzania ahamagara Perezida Habyarimana na Museveni bahurira Mwanza bumvikana ko intambara ihagarara ariko Habyarimana asabwa gahura n’uruhande rw’abamurwanyaga (Inkotanyi) ibyo byose nta cyabaye .
Uwo munsi abasilikare b’Abibiligi bahise bazinga utwabo barataha . Nkuko bongeye kurusiga muri Jenocide yakorewe abatutsi mu 1994
Mu mwaka w’1991 OUA nibwo yinjiye mu kibazo nyuma yuko guhagarika Intwaro byumvikanyweho Mwanza bitabaye (cessez le feu ), Perezida Hassan Mwinyi yongeye guhamagara Peresida Habyarimana na Museveni bahurira Zanzibar abamenyesha ko ikibazo cyegurirwe OUA ariko ariwe wahawe inshingano zo gutumira abazitabira inama, Hashize iminsi mike President Ali Hassan Mwinyi ahamagaza ya nama irimo President Habyarimana,Museveni, Buyoya , SG wa OUA ,Prime minister wa Zaire na high commissioner for refugees naza Ambasade ndetse n’abandi
Ibyavuyemo mu nama
1 . Hanzuwe ko impande zombi zumvikana uko hahagarikwa intwaro ( cessez le feu )
2 . humvikanye uko bazaganira ku gaharika no kurangiza intambara
3 . Humvikanye uko hazakemurwa ikibazo cy’impunzi
4 . Humvikanye uzabikurikirana ariwe Mobutu Aha Amasezerano y’Arusha yaratangira Ubutaha tuzagaruka kuri za Negotiations zo guhagarika intwaro  na negotiation z’amasezerano y’Arusha uko yagenze
Nubwo yasoreje aha ariko abagize icyo babivugaho (comments) bakomeje kumusaba kuzajya akomeza akabagezaho aya mateka dore ko hari benshi bayagoreka, Tubararikire kuzajya tubagezaho bimwe mu bitekerezo bye kuko dusanga byagirira umumaro benshi mu banyarwanda biganjemo urubyiruko

Related Articles

Leave a Reply

Your email address will not be published.

Back to top button