IMIKINO

Imvune Varane yagize iratuma amara ibyumweru bike adakina

Myugariro wa Manchester United Raphael Varane ntazagaragara mu mikino ikipe ye izakina bitewe n’imvune yagiriye mu mukino wa nyuma wa Uefa Nation League wabaye ku cyumweru gishize aho ubufaransa bwatsinze Espagne 2-1 bukanegukana icyo gikombe.

Mu itangazo ryashyizwe ahagaragara na Manchester United rivuga ko uyu musore w’imyaka 28 yagize imvune yo mu rukenyerero ndetse ko yatangiye ibikorwa bizamufasha kugaruka mu kibuga mu byumweru bike nkuko abaganga ba Manchester United babibwiye urubuga rwiyo kipe.

Varane yasimbuwe ku munota wa 43 muri Final ya Uefa Nations League,akaba amaze gukina imikino isaga itandatu kuva yasinyira iyi kipe avuye muri Real Madrid mu isoko ry’igura n’igurisha riheruka muri iyi mpeshyi ishize.

Varane yavunitse ku munota wa 43 ku cyumweru.

Imvune ya Varane ije isanga iya Harry Maguire nawe ugishidikanywaho, mu gihe kandi Manchester United ifite imikino ikomeye iyitegereje harimo uwo izasura ikipe ya Leicester City kuri uyu wa gatandatu ku isaha ya saa kumi zo mu Rwanda.

Manchester United ifite imikino ikomeye cyane muri uku kwezi harimo uwo izakira Liverpool uwo izakina na Man City ndetse inakine na Atalanta muri Champions League byumvikane ko ari ibintu bitoroheye umutoza Ole Gunnar Solskjaer ariko afite icyizere cya rutahizamu we Marcus Rashford wari umaze hafi amezi abiri hanze kubera imvune.

Related Articles

Leave a Reply

Your email address will not be published.

Back to top button