AmakuruMU MAHANGAPOLITIKI

Icyitezwe ku ruzinduko rwa Gen Jean Bosco Kazura wakiriwe mu biro by’’umugaba Mukuru w’Ingabo z’u Bufaransa

Kuri uyu wa mbere tariki 14 Gashyantare 2022 nibwo umugaba Mukuru w’Ingabo z’u Bufaransa, Gen Thierry Burkhard yakiriye mu biro bye mugenzi we w’u Rwanda, Gen Jean Bosco Kazura uri mu ruzinduko rw’akazi i Paris.

Umugaba Mukuru w’Ingabo z’u Rwanda, Gen Jean Bosco Kazura n’itsinda ry’abasirikare ayoboye bari mu ruzinduko mu Bufaransa kuva mu mpera z’icyumweru gishize.

Ubutumwa bwanyujijwe kuri Twitter y’Umugaba Mukuru w’Ingabo z’u Bufaransa, buvuga ko Général Burkhard yakiriye mugenzi we w’u Rwanda ku wa Mbere tariki 14 Werurwe 2022.

Gen. Burkhard na Gen Kazura baganiriye ku bufatanye n’imikoranire hagati y’ingabo z’ibihugu byombi ndetse n’ikibazo cy’umutekano mu bice bya Afurika birimo Amajyepfo.

Bugira buti “Ejo nakiriye mugenzi wanjye w’u Rwanda, Gen Kazura. Twaganiriye ku mutekano muri Afurika yo Hagati n’Amajyepfo, ndetse n’u Bufaransa n’u Rwanda.”

Gen Kazura yaherekejwe n’abarimo Brig. Gen Patrick Karuretwa ushinzwe imikoranire mpuzamahanga mu Ngabo z’u Rwanda, Brig Gen Vincent Nyakarundi, Umuyobozi ushinzwe Ubutasi bwa Gisirikare mu Ngabo z’u Rwanda na Col. Jean Chrysostome Ngendahimana uyobora ishami ry’imyitozo n’ibikorwa mu Ngabo z’u Rwanda

Yanditswe na Dushimimana Elias

Related Articles

Leave a Reply

Your email address will not be published.

Back to top button