AmakuruUBUKERARUGENDO

Gukorana na Arsenal byatuzaniye amafaranga aruta ayo twayihaye: perezida Kagame

Ku gicamunsi cyo kuri uyu wa gatatu nyakubahwa perezida Paul Kagame yitabiriye inama igamije guteza imbere ishoramari hagati ya Zimbabwe n’u Rwanda iri kubera muri Kigali Convention center aho amaze gutangaza ko u Rwanda rwungukiye mu gukorana na Arsenal mu rwego rw’ubukearugendo.

U Rwanda rumaze imyaka itatu rukorana na Arsenal mu buryo bwo kwamamaza ubukerarugendo binyuze muri Visit Rwanda, muri iki kiganiro umukuru w’igihugu yavuze ko kuba igihugu nk’u Rwanda cyarabashije gukorana na Arsenal nkimwe mu makipe akomeye byatumye abantu benshi batangira kwibaza icyo gihugu icyo aricyo bituma baza kugisura kuburyo hamaze kwinjira amafaranga aruta ayo u Rwanda rwahaye iyo kipe.

Raporo ya RDB yo mu mwaka wa 2019 yerekana ko u Rwanda rwakiriye abakerarugendo barenga miliyoni imwe n’igice byari biteganyijwe ko ziziyongera ariko bikomwa mu nkokora n’iyaduka rya Covid-19 yatumye ibikorwa by’ubukerarugendo bititabirwa cyane nka mbere yayo.

                         Arsenal yambara Visit Rwanda kuva muri 2018.

Muri uyu mwaka nibwo hongeye kuvugururwa amasezerano ku mpande zombi nubwo hatigeze hatangazwa igihe azamara.

Arsenal isanzwe yambara ijambo Visit Rwanda ku kaboko k’ibumoso ndetse no ku byapa byamamaza hanyuraho ibyiza bitatse u Rwanda kandi umusaruro umaze kugenda ugaragara, kuko abantu benshi bamaze kumenya u Rwanda binyuze muri iyi gahunda.

Related Articles

Leave a Reply

Your email address will not be published.

Back to top button